Сыни тұрғыдан ойлаудың құралдары - Ойлау бутерброды әдісін айтыңыз.
Сыни тұрғыдан ойлау –білім берудегі негізгі талаптарға іспен жауап беру үшін оқушылардың даму мүмкіндіктеріне жол ашады. Бала өзінің тұлғасын өзі жасауы керек, яғни ол шығармашылық жағынан өзін дамыта отырып, өзінің мүмкіндіктерін ашуы, өз-өзіне маңыздылық танытуы керек. Оқушыларымыздың білім деңгейін тереңдету, ғылыми тұрғыдан дамыту, өз бетімен жұмыс істеуге дағдыландыру, ойлау қабілеттерін ілгерілету мақсатында сабақтарымда сыни тұрғыдан ойлаудың түрлі әдіс-тәсілдерін қолданамын.
Бұл тиімді тәсілдер - бақылаудың, тәжірибенің, ойлау мен талқылаудың нәтижесінде алынған ақпаратты ойлауға, бағалауға, талдауға және синтездеуге бағытталған пәндік шешім. Бұл әдіс баланы жалықтырмай, білімге жаңа серпіліспен ұмтылдыратын жол деп білемін. Сын тұрғысынан ойлануды ықпалдастыра отырып сабақ өткізу арқылы оқушылардың ой-толғауын, білімін, қабілеттерін кеңейтуге жол ашуға мүмкіндік жоғарылайды. Ол өз бетінше шығармашылық тұрғыдан ойлай алатын, қабілетіне сенімді де ынталы жеке тұлғаны қалыптастыруға бағыттайды.
