ГЛОССАРИЙ Ақпарат Ақпараттық жүйелер (тірі ағзалар, басқарушы машиналар және
т.б.) өмірі мен жұмысы барысында қабылдайтын қоршаған
ортаның объектілері мен құбылыстары, олардың өлшемдері,
қасиеттері мен күйлері туралы мәліметтер.
Ақпараттық сауаттылық Көптеген сандық технологияларды қолдану арқылы ақпаратты
тиімді және сыни іріктеп, талдап және құра білу, сонымен қатар
сол технологиялардың құрамдас бөліктері мен функцияларын
білу.
Алгоритмдік ойлау Тапсырмаларды орындауға бағытталған ойлау әрекеттері мен
тәсілдері жиынтығы, оның нәтижесінде адам іс-әрекетінің ерекше
өнімі болып табылатын алгоритмдер құрылады. Ойлаудың мұндай
тәсілі ресмилігімен, қисындылығымен, анықтығымен, кез келген
абстрактілі идеяны бірізді нұсқауға айналдыра алатындығымен
ерекшеленеді, осы нұсқауларды қадамдап орындау бұл идеяны
іске асыруға жол ашады.
Бағалау оқу үдерісі мен нәтижелерін жүйелі түрде және сыни талдау,
соның негізінде ағымдағы және кейінгі оқу үдерісіне қатысты
тұжырым жасап, шешім және/немесе ұсыным шығаруға
бағытталған қызмет
Бағалау критерийі ұсынылған талаптарға сәйкес бір нәрсені бағалау бойынша шешім
қабылдау ережесі, негіздемесі. Әр критерийдің дескрипторлары
(әрбір нақты жұмыс үшін) болады, онда мектеп тапсырмасының
орындалу нәтижесінің дұрыстығы туралы нақты түсінік беріледі.
Дескрипторға сәйкес бағалау оқушының қойған мақсатқа жетуін
анықтайды
Бағамдау білім беруді ұйымдастырумен, оқу, тәрбиелеу және даму
үдерістерімен байланысты жағдайларды, құбылыстарды және іс-
әрекеттерді жүйелі зерттеу және баға беру. Бақылаушы және
қадағалаушы сипаты жоқ. Ол ақпаратты жүйелі түрде ашық
жинақтау және талдау негізінде, белгіленген мақсаттармен,
критерийлермен және құндылықтармен жүйелі түрде салыстыру
негізінде ұйымның жұмысының тиімділігін анықтау және
жетілдіру мақсатында ұйым ішінде, сондай-ақ сыртқы
сарапшыларды тарту арқылы өткізіледі. Бағамдаудың өзіне тән
ерекшеліктері: жетілдіруге бағдарлау, диалог түрінде өтуі,
жазаның қолданылмауы. Бағамдау мұғалімді «тексеруге» емес,
оған қолдау көрсетіп, дамуына көмектесуге бағытталған.
