ҰЛЫ ОТАН СОҒЫСЫ КЕЗЕҢІНДЕГІ ҚАЗАҚСТАНДАҒЫ ДЕНЕ ШЫНЫҚТЫРУ ЖƏНЕ СПОРТ БАҒЫТЫНЫҢ ДАМУ АСПЕКТІЛЕРІ
Б.М. Доскараев ‒ ҚазСТА Спорт ғылыми-зерттеу институтының директоры, Алматы қ.
Ж.О. Игибаев, Н.Қ. Орынбай, Қ. Қамеш ‒ ҚазСТА магистранттары, Алматы қ.
Аңдатпа. Өткен ғасырдың бас кезінен бастап спорт мәселесі дүниежүзіндегі барлық халықтардың сүйікті
ісінің ең біріншісіне айналған деп айтсақ қателеспейміз. ХХ ғасырдың басынан бастап дене шынықтыру мен
спорт құрылымы, ережелері мен заңдылықтары, сондай-ақ оны ұйымдастыру мен дамыту барлық ізденушілерді
қызықтырып келеді. Сондықтан бұл мақалада 1941-1945 жылдар аралығындағы Ұлы Отан соғысы уақытында
Қазақстан аумағында дене шынықтыру мен спорт саласының дамуы мен оның жалпы ахуалы жөнінде сөз
қозғалады. Мақалада негізгі дерек көздері ретінде Қазан төңкерісінен кейінгі Кеңес үкіметінің әскер ісін дамыту
жөніндегі шешімдерінен бастап, Ұлы Отан соғысы кезеңіндегі дене тәрбиесі және спорт бағытын қалыптастыру
мен дамыту бағытындағы бұйрықтар жинақтары, олардың негізгі аспектілері туралы, сондай-ақ ондағы іске
асырылған бірқатар тарихи өзекті шаралар жөнінде мәселелер қарастырылып отыр.
Түйін сөздер: Ұлы Отан соғысы, Қазақстан, дене шынықтыру, спорт, үкімет.
