Құдай біздің рухымызды жасытуды қаламайды

Жоқ. Құдай біздің рухымызды езуді қаламайды. Ол біздің қырсық, бір беткей еркімізді сындырғысы келеді. Ол мұны біздің өмірімізде Оның еркі орындалуы үшін істейді. Ал ол әрқашан батаға жетелейді.

Әрбір ата-ана баласының қырсық, өзімшіл болып туатынын біледі. «Менікі» және «Жоқ» –осы екі сөз балалардың ең сүйікті сөздері деуге болады. Бұл екі сөз баланың өзімшілдігі мен өз өмірін өзі басқаруға деген тілегінен туындайды.

Жақсы ата-аналар, дегенмен, бала мойынсұнғыш болу үшін ата-анаға ғана емес, кез келген басқа билікке, сондай-ақ Құдайдың билігіне мойынсұнғыш болу үшін мұндай қырсықтық пен өзімшілдікті түп-тамырымен жою керектігін біледі. Баланың қырсықтығын оның рухын жасыту үшін емес, бірақ оған табысты, заңға бағынатын, жомарт және сүйетін жұбай, үлгілі ата-ана, адал дос, білікті азамат болу үшін, әрі Мәсіхтің Денесінің мүшесі болып өсуіне көмектесу үшін жеңу керек.

Қырсықтық пен тәкаппарлық көрсететін бала нашар мінез-құлықпен, кейде тіпті қылмыстық әрекетке бейім болып өседі. Мұндай адамның жанында болудың өзі жағымсыз. Ондай адамда сүйіспеншілікті қабылдау немесе сыйлаудың кез келген қабілеті толықтай дамымауы ықтимал.

Бетін қайтармай, қырсықтық пен тәкаппарлықта өскен балада қуаныш, сүйіспеншілік, қанағаттануды сезіну қабілеті қалыптаспаған.

Ата-аналардың өз балаларының тәкаппар қырсықтығы мен саналы бағынбаушылығын тыйып тастайтындары сияқты, Құдай да біздің Мәсіхке ұқсап сүйетін және жомарт адам болуға кедергі жасайтын тәкаппарлығымыз бен мойынсұнбаушылығымызды жасытуға тырысады.