Лекция 8 Тақырыбы: Фотодинамикалық қасиеттері бар

Табиғаттағы көптеген өсімдіктердің фотодинамикалық қасиеттері болатындығы тәжірибе жүзінде, ғылыми тұрғыдан дәлелденген қағида. Кейбір өсімдіктер, әсіресе гүл шашқан кезде, белгілі бір қолайсыз метеорологиялық жағдайда, өздерінің бөліктеріне, күн сәулесінің әсерінен улы болып келетін филлоэритрин затын жинақтайды. Филлоэритрин өсімдіктердің хлорофиллінен малдың ас қорыту жүйесінде түзіледі. Қалыпты жағдайда ол ащы ішектерде қанға сіңеді де, қан арқылы бауырға түседі. Бауырдан өтпен бірге қайтадан ішекке келеді. Осындай ішек-бауыр тұйық айналымында болатын филлоэритрин аздап нәжіс арқылы бөлініп отырады. Ал ас қорыту жүйесі мен бауырдың қызметі бұзылған жағдайда филлоэритрин организмде шоғырланады да жалпы қан айналысына түсе бастайды. Шеткергі, пигментпен қорғалмаған теріде ол энергияның әсерінен оның күн сәулесінің әсеріне сезімталдығын жоғарылатады. Осының әсерінен уланудың клиникалық белгілері пайда болады. Ондай өсімдіктердің қатарына қара құмық, жоңышқа, тары және т.б. өсімдіктер жатады.