Мамасерікова Ш. · М
жүктеу/скачать 1,6 Mb.
|
| ОН ЖЫЛ БОЛДЫ
Жылап жатып төсекке жылап тұрам, Жұбанышым жалғыз -ақ жұтаң жыр-ән. Тұншықтырып барады шер шынжыры, Қалай үзіп мойнымнан лақтырам?! Он жыл болды ұлымды жоқтағалы, Арманымның сағаты тоқтағалы. Он жыл болды шаттықтың шамы сөніп, Қасірет - мұң мылтығын оқтағалы. Он жыл болды ұлымды сағынғалы, Омырауым көз жасқа малынғалы. Он жыл болды қайғылы өлең жазып, Құдіретіне Тәңірдің бағынғалы. Он жыл болды сорлы анаң боздағалы, Қалмады ғой жылаудан өзге амалы. Үш жүз алпыс тамырын билеп-төстеп, Қаратауы қайғының қозғалады. Он жыл болды сені іздеп аңсағалы, Анаңды аяп өксиді таң самалы. Өлді деуге қимастан сорлы жүрек: «Ботақаным қайда?» - деп жар салады. Жылап жатып төсекке жылап тұрам, Жұбанышым жалғыз -ақ жұтаң жыр-ән. Тұншықтырып барады шер шынжыры, Қалай үзіп мойнымнан лақтырам... САБЫРЛЫҚ Үркітсе де мың қайғы, Үкілі үміт шыңдайды. Сабырлыға сыйлық бар, Сағын дейді сынбайды. Тағдыр көнбей ырыққа, Түссе басың құрыққа. Тәңіріге жалынып, «Тоба!»деуді ұмытпа. Шер көйлегін шөгеріп, Шүйделі ойдан от өріп. Шүкіршілік ап шығар Шырғалаңнан көтеріп... ** Жүрегімді жадыратар сөзі бал, Қос бүлдіршін, қос балапан, қозылар. Сендерменен жан-жарасы жазылар, Сендерменен өмір ұзап созылар. Сендер барда мен қалайша жасимын, Сендер барда шаттанамын, тасимын. Таңсәріден бақыт тілеп сендерге, Жайнамаздың құзырына бас идім. Сендер барда дей алмаймын сынықпын, Сендерді ойлап мың қайғымды ұмыттым Жылату да, қуанту да қолында Жаратқанның күштілігін шын ұқтым... **
Ертелі-кеш уайымға салынам. Жеткізші деп арманымды Аллаға, Атқан таңға, батқан күнге жалынам. О Жаратқан! Өзің жар боп жылатпа, Сүрінтсең де шыңырауға құлатпа. Адаспасын үйірінен ақкулар, Ағыс берші үміті бал бұлаққа. Қасіретімді жеңетұғын қуат бер, Шердін шөлін басатұғын суат бер. Қара тастай қатып қалған қайғыдан, Жүрегімді жылытатын шуақ бер. Бақ құшағын жайсын маған жыр-алаң, Тіршіліктен түңілдірме бұралаң. Тауқыметін тарқызсаң да тағдырдың, Қаламыма рақым етші... Сұранам!... жүктеу/скачать 1,6 Mb. Достарыңызбен бөлісу:
|