2-жүргізуші: Жеңіс келді қалама,
Жеңіс келді далама.
Жеңіс келді әке боп
Жеңіс келді ән болып.
Жеңіс келді алақай
Тоя жейтін нан болып.
1- жүргізуші:Жеңіс, жеңіс!
Бабамыздың –
Қызыл қаны төгілген.
Кеше туған және біздің
Бағымыз боп көрінген.
Жеңіс, жеңіс!
Мектебіміз
Ашқан бізге есігін
Ұмытылмас өткеніміз
Батырлардың есімі.
Ортада 8 сынып оқушыларының орындауында хор «Атамекен»
Қорытындылау: 1-жүргізуші:Сұрапыл соғысты бастан өткеріп, бізді жеңіске жеткізген ата –бабаларымызды, сол жылдарда қиындыққа төзіп, тылдағы ауыр жұмыстарды атқарып,сонысымен Жеңіс күндерін жақындатқан аналарымызды да мақтан тұтамыз. Жеңімпаз әкелердің, достық пен татулықты қастерлеген аға буынның жалғасы екенімізді ардақ тұтамыз. Бақытты күндер мен шуақты таңдарды әперген барша ардагер аталарымыз бен аналарымыздың алдында басымызды иеміз. Аспанымыз ашық, еліміз аман, бейбіт заман болсын,- деп тілей отырып, сөз кезегін осында отырған қонақтарымызға береміз.
