Патофизиология пәні, мақсаты мен міндеттері және оларға жету
Парасимпатикалық жүйкеленудің болмауы немесе әлсіреуі
жүктеу/скачать 6,36 Mb. Pdf көрінісі
|
Патофизиология учебник (1)
- Бұл бет үшін навигация:
- Дербес жүйкелік невроздар.
| Парасимпатикалық жүйкеленудің болмауы немесе әлсіреуі.
Бұндай жағдай кезбе жүйкелерді мойында қию операциясынан (ваготомиядан) кейін дамиды. Олар өте ауыр өтіп, жануарлардын өліміне әкеледі. Ваготомиядан кейін: ● өкпеден Геринг-Брейер рефлексінің болмауынан тыныстық қозғалыстар тереңдеп, сирейді ● көмекейді жабатын еттердің салдануы дамып, жұтыну кезінде тағамның тыныс жолдарына және өкпеге түсуі байқалады. Осыдан адам мен жануарлар жұту кезінде шашалып, өкпелерінде қабыну үрдістері дамиды. Мұндай өкпе қабынуын аспирациялық пневмония дейді ● өкпеде тамырларды тарылтатын жүкелік әсер болмауынан онда қан іркіліп, өкпенің ісінуі дамиды. Бұл өкпенің қабынуына әкеледі. Бұндай қабынуды «вагустық пневмония» дейді; ● асқазан мен ұйқыбез сөлдерінің бөлініп шығарылуы азаяды. Осыдан ас қорыту бұзылады. Кезбе жүйкенің жекелеген тармақтарын қию асқазан мен ұлтабардың ойық жара ауруы кезінде қолданылады. Бұндай операцияны сегменттік ваготомия деп атайды. Осыдан асқазан сөлінде тұз қышқылы азайып, ойық жара дамуын әлсіретеді. Жүректің парасимпатикалық жүйкеленуінің бұзылуы бактерия уыттарының (ботулин, күл ауруы), іш сүзегі бактериялары антигендерінің әсерлерінен дамиды. Парасимпатикалық жүйкелердің жұлынның сегізкөз бөлігінде бұзылуы жарақаттың немесе осы аймақта өспе өсуінің нәтижелерінде байқалады. Осыдан несеп шығарылуы мен үлкен дәрет сындыру, жыныстық қызметтердің бұзылыстары дамиды. Дербес жүйкелік невроздар. Дербес жүйкелік жүйкеленудің бұзылыстары кең тараған дерттерге жатады. Бұл кезде әрі парасимпатикалық, әрі симпатикалық жүйке жүйелерінің бұзылыстары біріккен түрде болады. Бүл 704 жүйкелердің қозымдылығы қатты және ұзақ мерзімге көтеріледі. Осыдан жүректің ырғағы мен соғу жиілігі бұзылады, қан тамырларының межеқуаты құбылып тұрады. Кейбір адамдарда артериялық гипертензия, кейбіреулерінде керісінше, гипотензия, ал басқаларында артериялық қысым өте құбылмалы, біресе жоғарылап, біресе төмендеп кетуі мүмкін. Мұндай жағдайды қан тамырлық дистония деп атайды. Сонымен бірге дербес жүйкелік невроздар кездерінде тер шығуының бұзылыстары, біресе бұрқ етіп тершеңдік, бірде керісінше терінің құрғақтығы байқалады. Теріде ақ немесе қызыл дермографизм, ас қорытылудың (іш өтуі, іш кебу, іш жүрмеу) бұзылыстары дамиды. жүктеу/скачать 6,36 Mb. Достарыңызбен бөлісу:
|