мүмкіндіктері шектеулі баланың мәселелері мен мүмкіндіктерін, қажеттіліктерін кешенді пәнаралық топтық бағалау;
ерте жастағы дамуында тілдік ауытқулары бар бар, көру және есту ауытқулары бар балаларға, қимыл-қозғалыс аппараты мен эмоциональдық-ерік салаларында тежелістері бар балаларға, оқу және мінез-құлқы мен қарым-қатынас салаларында қиындықтары бар және басқада әр түрлі ауытқулары бар балаларға кешенді оңалту, бейімдеу және қоғамға ендіруге бағытталған медициналық-педагогикалық және әлеуметтік-психологиялық түзету көмегін көрсету.;
ерте жастағы мүмкіндіктері шектеулі баланың жеке түзете-дамыту бағдарламасын (ЖДБ) құру және оны жүзеге асыру;
мүгедек баланың жеке бейімдеу бағдарламасын жүзеге асыру;
отбасындағы мүмкіндіктері шектеулі бала тәрбиесі мен білімі туралы ата-аналарға (басқа бала тәрбиесіне жауаптыларға) кеңес беру, оқыту-ағарту жұмыстарын жүргізу;
мүмкіндіктері шектеулі балалармен жұмыс істейтін жалпы білім беру мекемелерінің педагогтарына балалардың психофизикалық даму ерекшеліктері мен даму мүмкіндіктері, оқытудағы кездесетін қиындықтар туралы кеңестер беру мен әдістемелік басқару жұмыстарын жүргізу.
