Факультативтің мазмұны. 5-6 сынып оқушылары. 2-деңгей Тренинг № Тақырыбы Блок Тоқсан
жүктеу/скачать 0,94 Mb. Pdf көрінісі
|
5-6 уровень 2 КАЗ
| «Байланыс бар!» жаттығуы
Уақыт: 20 минут Материалдары: поститтер, маркерлер, карточкалар Процесі: Шарттары: • Оқушылар түрлі жағдайлардың көрінісін қояды. • Жағдайлар екі адамға есептелген. • Алдын ала дайындалмай, импровизация ретінде көрсету керек. • Жұптар кездейсоқ түрде құрылады. • Әр көріністен кейін қалған оқушылар кері байланыс беруі мүмкін. • Барлық коммуникативтік дағдыларды қолдану қажет! Оқушылардың есімдерін стикерлерге жазып, оларды бүктеңіз, жазғаныңыз көрінбеуі тиіс. Әрбір көрініс үшін кез келген екі стикер алып шығыңыз – бірінші оқушы бас кейіпкер, ал екіншісі – қосалқы болады. Оқушылар көп болса да, әрқайсысы бас кейіпкер рөлін сомдап көрсін. Жұпты ортаға шақырып, оларға жағдаят оқып беріңіз. Көрініске/диалогқа шолу жасау. Қол шапалақтау. Басқа оқушылардың/көрермендердің кері байланысы. Кері байланыс талқылау сияқты өтеді: мұндай жағдайларда не істеу керек? Келесі жұп ортаға шығады. Жағдаяттар: 1. Бас кейіпкер: Алдыңда сен жақсы танитын, бірақ көптен бері көрмеген адам тұр. Сен оны көргеніңе қуаныштысың. Қосалқы кейіпкер: алдыңда таныс адам тұр. Қал-жағдайын сұрағың келеді, алайда үйге асығып тұрсың (итті серуендеуге шығару керек). 2. Бас кейіпкер: Алдыңда бейтаныс адам тұр. Онымен танысып, есімін, қайда оқитынын, хоббиі қандай екенін сұра. Қосалқы кейіпкер: алдыңда бейтаныс адам тұр. Бүгін сенің көңіл-күйің жақсы. БОЛАТ ӨТЕМҰРАТОВ ҚОРЫ 33 3. Бас кейіпкер: Алдыңда бейтаныс адам тұр. Онымен танысып, есімін, қайда оқитынын, хоббиі қандай екенін сұра. Қосалқы кейіпкер: алдыңда бейтаныс адам тұр. Ертең сен күрделі емтихан тапсырасың, бар ойың сонда. 4. Бас кейіпкер: Алдыңда кішкентай бала тұр. Ол бір нәрседен шошып қалып, жылағалы тұр. Оған жақындап барып сөйлес, тыныштандыр. Қосалқы кейіпкер: Сен 3 жастасың, саған қарай жүгіріп келген (бірақ қашып кеткен) иттен қорқып қалдың. Қасыңда ата-анаң жоқ. 5. Бас кейіпкер: Сені автобуста біреу қатты итеріп жіберді. Бұрылып қарасаң, ол қарт адам екен. Қосалқы кейіпкер: Сен 85 жастасың, автобуспен немереңнің туған күніне бара жатсың. 6. Бас кейіпкер: Көптен бері көрмеген жақын адаммен қауышып, қатты қуанасың. Мінеки, ол жаныңда. Қосалқы кейіпкер: Көптен бері көрмеген жақын адаммен қауыштың. 7. Бас кейіпкер: Алдыңда бейтаныс адам тұр, оны бірінші рет көріп тұрсың. Алайда ол саған ұнады, онымен танысқың келеді. Сәл ойланып тұрып, онымен танысуға бел буасың. Қосалқы кейіпкер: алдыңда бейтаныс адам тұр. 8. Бас кейіпкер: Метро вагонында танымал актер/актрисаның қасында отырсың. Оның өнеріне тәнтісің, әрине, онымен тілдескің келеді. Себебі бұл керемет мүмкіндік қой. Қосалқы кейіпкер: Сен танымал актер/актрисасың. Дайындыққа бара жатқанда сөзіңді қайталап отырсың. Себебі оған уақытың болған жоқ, сен өте жұмысбасты адамсың. 9. Бас кейіпкер: Киім дүкенінің кассасында кезек алып тұрсың. Кассаның жанында тұрған тауарларға көңілің бөлініп кетіп, алдыңа әлдебір адам тұрып алды. Кезектегі өз орныңды қайтарғың келеді. Қосалқы кейіпкер: Кассаға жақындап, кезектегі соңғы адам болып тұрдың. 10. Бас кейіпкер: Достарыңмен бірге жазда бір лагерьге баруды шештіңдер. Лагерь алыста орналасқан, осыншама алыс жерге ата-анаңсыз бұрын-соңды барып көрмегенсің. Ата-анаңмен тілдесіп, олардан сұрануың керек. Қосалқы кейіпкер: Балаңыз достарымен бірге әлдебір лагерьге баруға сұранып жатыр. Ол осыншама алыс жерге бұрын-соңды барып көрмеген. Үйде тіпті түскі асын жылытып жей алмайды, ал енді екі аптаға сұранып жатыр. Өз бетімен бара алатынына сенімді емессіз. Талқылау: - Кіммен жақсы байланыс орната алдыңдар? - Кіммен сөйлесу мүмкін болды? - Кіммен тілдесе алмадыңдар? Талқылау барысында топ мүшелерінің сезімдеріне назар аудару керек. жүктеу/скачать 0,94 Mb. Достарыңызбен бөлісу:
|