Фарабиге арнау. (Әні бар) 1 Оңтүстіктің арайланған ақ таңы, Бұлбұл үні естіледі бақтағы
жүктеу/скачать 1,05 Mb.
|
Бақытыңды мәңгі тіледім !!! 16.05.2007жыл. КӨРКЕМ МҮСІН . Мейірім төге қарауың , Жанымды жалын тербетті . Көтеріп жастық жалауын , Сезімнің күйін селдетті. Жібектей шашың желбіреп , Қиыла қалған қас қабақ . 87. Жеп қоя жаздап елжіреп , Бұл көңіл неге ашқарақ ? Тұңғиық , мөлдір-қос жанар , Қадалған сайын тұншықтым . Ботадай болдың жасқанар , Қырандай төніп, ынтықтым . Ай дидар , тәтті,алма бет Ерінің бейне қос жүзім . Жүрекке жара салмай өт , Жаныма жақын жас мүсін . Кеудемде үлкен ағын ұқ , Көркейттің көркем көктемде . Жүрерсің әлі-ақ сағынып , Ауылыңа аман жеткенде . 17.05.2007жыл. ӘН ҚҰДІРЕТІ. Ән қандай ,тебірентер әнші қандай ! Жаныңнан бар мұңыңды аршығандай . Сезімнің селк еткізер сыршыл күйі , Өн бойыңды ерітіп жаншығандай . Сағыныш-ай дір еткен жүректегі , Сүйген жанды ойламай күн өтпеді . Аңсадым ,армандым , аласұрдым , Жанымда елесіңді түнеткелі . Ән қандай елжіретер әнші қандай ! Қиялыңды қияға қамшылардай . Тұңғиықта таланған тұла бойды , Тазартады ақ жауын тамшылардай . Ән қандай, тебірентер әнші қандай!!! АҚ ТІЛЕК . Өміріңе өрнек тіледім , Бақыттан бастау алатын . Ең нәзік әсем гүл едің , Жүректе мәңгі қалатын . Шаттанып жүрші сенімде , Үмітің әркез ақталсын ! Жаныңның жайсаң төрінде , Шуақты өткен шақ қалсын . 88. Күліп жүр ,көктем күйге еніп , Ажарлым ,аққу ,ақылдым . Жақсыны бар ел сүйген ұқ , Жақсылықтарыңа шақырғын . Қаламыз енді қол бұлғап , Жүректің түбі шым етті . Сезімнің сырын мол ұрлап , Екі апта әсем шын өтті . Бастады тұнық елесің , Көңілдің көркем төріне . Бұра бер мектеп кемесін , Өнердің өршіл өріне . 19.05.2007жыл. СҰЛУҒА . Кешіргін мені , түсінбей кеттім өзімді , Ренжіп қалдың , жүрегім тағы езілді . Өзіңе деген өзгеше өлең өріліп , Өзіңсіз өмір қызықсыз, мәнсіз сезілді . Қызулау қаным , ойлантпай опық жегізді , Қиналтты мені , сөз емес сөзді дегізді . Балалық шақтан біріккен бақыт Баяным , Адал да арлы ,ардағым сенсің жаны ізгі . Досым да сенсің , жолыма қарап , күзетіп , Қателік кетсем , бойымды менің түзетіп . Шаңырағымды шаттыққа бөлеп тұрсың сен , Бақытқа бастар із етіп . Өшірмей отын ,түтетіп түзу түтінін , Ыстыққа көніп ,суыққа төзген бүтінім . Айналам сенен , жырақта жүрмін сағынып , Ең нәзік , мөлдір , сұлуым , әппақ үкілім . Кешірші мені , артықтау кетіп қалам да , Жүрекке жақын ең жақын жансың санамда . Ұлымыз біздің жақсылықтарына жетелер, Бақытты жанбыз ғаламда ! Бақытым сенімен әманда ! Өзіңмен қызық маған да ! 29.05.2007жыл. 89. СЕЗІМІМ СЕНІМЕН , СЕНЕМІН . Сағынып кеттім , езіліп жаным , жүрегім , «Аман болсын»-деп күн түні өзің тілегім . Қайран да қалдым жаныңның сұлулығына , Жүректе өскен гүл едің . Аңсадым сені , есімде қалған назды өлең , Балқытқан бойды сиқырлы сұлу сазбенен . Алаңдай берем , жүрегім өзі сездіріп , Сендей жан мүлдем аз деген . Естігім келді жаныма жақын дауысыңды , Ысыдым , тоңдым , төзімім түгел таусылды . Күтемін сені,Аралын аңсар аққудай , Қарсы алдым жалғыз маусымды . Келбетің көркем , көргім де келіп тұрады , Тағдыр-ай қатал біздерді тағы сынады . Елесіңменен шайқалып кетем ес түссіз , Сағынышпенен мөлдір шық көзде тұнады . Сағындым сені , шарқ ұрып іздеп келемін , Жаныма жебеу , жүрекке демеу өлеңім . Сағыныш ,аңсау менімен бірге көмілер , Сезімім сенімен , сенемін , Сезімім сөнбес , сенемін , Сезімім өлмес , сенемін!!! 01.06.2007жыл. ЖАҚСЫ ЖАНДАР ... Жақсы жандар қоршап мені алыпты , Көңіл көркем әсем әнге салыпты . Жақсылармен жадырайды жаның да , Уайым , шаршау , күдік ұмыт қалыпты . Жақсы жанды аңсап тұрам көргім кеп , Сезім сыры , жүрек жыры шертілмек . Дидарынан шуақ нұр боп тараса , Көңіл шіркін күле қарар төркін кеп . Жақсылықтың мәңгі жасыл желегі , Жақсы адаммен жаның нұрға енеді . Қамқолықты көп сезіндім өмірде , Жақсылықты жасай бергім келеді . 90. Қуанту да ғанибет қой жандарды , Сыйластықта құдірет пен мән бар-ды . Жылы сөздер жанға шуақ қуат , ем , Шабытпенен көңіл көкте самғар -ды . Жақсы жандар өмірді алға бастайды , Қарапайым , бір қалыпты таспайды . Үлкен жүрек біріктірер оларды , Асыл арман алға қарай қоштайды ! Мейірімнің адамдарға керегі , Қасиетпен жан жұмаққа енеді . Жақсылардың көп сезіндім құрметін , Адамдарды сыйлай бергім келеді ! Өмір қымбат , өмір сүргім келеді ! Жақсы адам көп , әз жақсылық жеңеді ! Ақ жүрегім пәк көңілмен сенеді ! Жақсылықтан тек жақсылық өнеді ! 06.06.2007жыл. КӨҢІЛДІҢ КӨРКЕЙТЕЙІК КӨКЖИЕГІН ! Көңілің қала көрмесін, Кеудені көтер күлші өзің . Жылы сөз жанды емдесін , Жүректе өнсін гүл сезім . Ең жақын жанды ренжітіп , Алыстау жанды айналдық . Көрінбес жерде әл бітіп , Ерінбес жерде қиналдық . Әр жанда толы сағыныш , Әр қанда молдау аңсау бар . Бағынбас жерде бағыныс , Шаршамас жерде шаршау бар . Өмір сүру де қызық жайт , Тілектес болып , күндеу бар . Ұлылық бірден ұғылмайды , Біліп те тұрып білмеу бар . Бастағы бақты шайқап-ай , Үйінен безген жандар бар . Талантын ешкім байқамай , 91. Ауылда жүрген заңғар бар . Сағынған жанға жете алмай , Сүйетін жаннан безіндік . Өтетін жолдан өте алмай , Иманды болып сезіндік . Тек баю болды әніміз , Қырандай көңіл самғады . Рухани кедей жанымыз , «Өзім»-деп өзге алдады . Ақкөңіл болып ұрындық , Жүрекке салдық көп салмақ . Адамгершілікті ұғындық , Ұлылық мәңгі боп қалмақ . Сұлулық билеп санада , Сағыныш толды кеудеге . Өзіңе өзің пана да , Қорғансың , жанды кеулеме . Зиянды іс деп білсек те , Көбелек болып от құштық . Жылап та жүріп , күлсек те , Жастық шақ жалын , тым ыстық. Қаншама достар жау болды , Шіріген байлар кедей боп . Қураған қырлар бау болды , Құдайға шүкір көңіл тоқ . 14.06.2007жыл. Ән: Сағыныш сазы . Үмітті үзбей , Өзіңді іздей , Сағындым сені , Жаз болып күздей . Аңсадым арман , Шығасың ба алдан ? Жолыңа қарай , Көзім де талған . Қайырмасы: Қайдасың еркем ? Жан едің көркем . Сағыныш күйін , Өзіңе шертем .
Жаныма жұмақ . Өзгеше едің , Көңіліме тұрақ . Өмір-ай бұлақ , Тағдыр-ай сынақ , Сағынып келем , Аңсаумен шыдап . 20.06.2007жыл. СЫРЛЫ ӨМІР. Неден рахат көп көрсең , Бір азабын кешесің . Нысаппенен шектелсең , Өркен жайып өсесің . Ниетің тура болса егер , Жақсы жаққа көшесің . Ынтымақ екен бал шекер , Қиындық түссе шешесің . Көңілің тоқ боп жүргенге , Шіркін-ай әсте не жетер ? Бүгінгі еңбек білгенге , Ертеңгі күнді гүл етер . Ойланбас пенде тас мүсін , Жабырқау жанды жүдетер . Сөздерің сиқыр , басқа ісің , Уақытша алдау , күн өтер ... Өмірден қалды мән сезу , Қыран мен қарға бірге ұшты . Көңілден қалды ән сезу , Билеген ақша тұрмысты . 20.06.2007жыл. ГҮЛ-ҚЫЗ. Көзіңнен ұшқын сезіліп , Дидарың жнды жібітті . Көз тоймас көркің-сезім , ұқ , Ару қыз жақтың үмітті . 93. Теңселіп кеттім тербеліп , Шұғыла шашқан шырайдан . Көрікті наз бен еркелік , Көңілімді ашқан мұңайған. Қиыла қарап қалдың да , Жүректе жақтың жалынды . Жатқандай гүл-қыз шалғында , Сұлусың неткен жағымды ! Алыстау тұрсаң тартылып , Жақындау келсең от болдым . Сезімнің сырын ,шартын ұқ , Сағынып келсем жоқ болдың . Тіл жетпес көркем , сыйладым , Сағындым , айқын тілек те . Аңсадым , тағы қимадым , Жазылып қалдың жүректе !!! 27.06.207жыл. АЛДАНҒАН АРУ СЫРЫ ... Сені ойласам өртенеді жүрегім , Күндіз түні өзің болып тілегім . Сұлулықтың сиқыры мол болғанмен , Сол сұлулық таба алмай жүр бір емін . Жаным жүдеу ,жылап тұрып күлемін , Сені сүйіп ,көзді сирек ілемін . Сұлулыққа бас игенмен бар әлем , Сыры да мол , соры басым , білемін . Сұлумын мен , қарар маған сынап та , Әр ісімді шебер таңар ұятқа . Көсемсінген көр соқырлар кездессе , Бір көз салмай өте алмайды бірақ та . Сарғайғанмын үміт етіп күзімнен , Көп достарым шығарыпты тізімнен . Қой терісін жамылған бір қасқырдан , Алданғанмын , гүлдей болып үзілгем . Жаралымын , сезінгенмен кінәлі , Шын сөзімнің кеткендей ме құнары ? Миым мұңда қадалады мың ине , Қалай болдым сұмпайының сыңары ? 94. Кінәлімін , мен ғана ма кінәлі ? Алдау ,арбау,ұрлық ,зорлық мың әлі . Жақсылықты жаным қалап ұғады , Қиянаттан тек қиянат шығады . Қателессең түзелу де қиын-ақ , Бүкіл әлем сұлулыққа сиынады. Пәк сәбидей иманды да ибалы , Болшы Адам , Алла соны бұйырады . Қателеспе , қата ілессең сор басар , Алды артыңнан өсек жала жармасар . Түні бойы жаныңды жер ұят намыс , Күні бойы көлеңкеңдей қалмас ар . Сені аңсадым ,жалын құшып жүрегім , Күндіз түні өзің болып тілегім . Сұлулықта құдірет мол болғанмен , Сол сұлулық таппай жүр ғой бір емін . 28.06.2007жыл. «Жанындағы адамдарға зиянын тигізбейтін адам , ол-жақсы адам» АНАМЫЗДЫҢ СӨЗІ. ӨМІР-САБАҚ ... Қиындыққа тап болдым мен кенеттен , Ақ көңілді , бауырмашыл себептен . Қызбалық-ай қиындатып хәлімді , Ойланбастық өкіндірді өр еткен . Бір білгенім пайдаң тисе көп келер , «Хабарласпай кеттің ғой»- деп өкпелер Адамдар бар аңқау болып алдыңда, Жақсы көріп , жалт бұрылып , жек көрер . Адамдар бар дүние қоңыз , тас -мүсін , Бай болғанмен көзі тоймас, аш , түсін . Туысқан да керек емес оларға , Жақынын жау , жат көреді жақсысын . Жастар өсер , кедей байғұс жетілер , Заман кезек , жас қартаяр , өкінер . Күні түсер күйбің тірлік арқылы , Шегіртке де жазда ғана секірер. 95. Заңдылық бар барлық нәрсе теңелер , Қыс артынан көктем келер көгерер . Жақсылық та , жамандық та адамның , Өз пейілінен , ниетінен сене бер ! Заңдылық бар , барлық нәрсе теңелер ! 27.08.2007жыл. ЕРТЕҢГЕ ҮМІТ . Ертеңге үміт артамыз , Бүгіннен мәнді болар деп . Жақсылықтарға тартамыз , Бақыт құс бізге қонар деп . Ертеңге сенім , күтеміз , Мейірім күтіп өзгеден . Өзімізді алдай бітеміз , Жұбатып жылы сөзбенен . Ертеңмен өмір жалғасар , Ұрпақта мәнің күшің де . Перзентпен адам мың жасар , Тектілік қалар ісінде . Таусылмас сырлы сөз кені , Мәнсіз деп бәрін түсінбе . Сыйлауың керек өзгені , Құрметті болу үшін де . 07.09.2007жыл. ҚАЛДЫРУ КЕРЕК ҰЛЫ ЕСІМ . Еленгенің де елменен , Халқыңмен өмір сүресің . Шыр етіп жылап келгеннен, Басталады екен күресің . Өзіңе сенгін ,өзгерме , Жетелер ар мен намысың . Қиындық түскен кездерде , Білінер жақын алысың . Ата анаң мәңгі бірге емес , Туысқан бір-бір үй болар . Тату көршідей іргелес , Аман сау көрсең сый болар . Баюдың кілті -ынтымақ , 96. Бақыт пен бақтың тұрағы . Перзенттер жарың -гүл құрақ , Көңіліңнің өшпес шырағы . Сыйласаң сыйлы боласың , Еңбекте алар үлесің . Ізденсең күн түн данасың , Қалдыру керек ұлы есім . Болашақ берік білімде , Білімсіз қиял бос елес . Салт дәстүр көркем тілің де , Ешқашан оқу кеш емес . Қызықты өткіз өмірді , Әр күнде болсын мағына . Есепті жандар көңілді , Баянды әрбір шағы да . Адамдық арың- ажарың , Адамгершілікті ұмытпа . Қасиеттілікте ғажабың , Ұмтылар мөлдір тұныққа . Жігіттік нағыз ұлға сын , Үмітін елдің ақтағын . Қырансың ұлан тұлғасың , Осыны еске сақтағын . Нұр құйып жүрсің жаныма , Бақытың болсын баянды ! Өзіңді жүрем сағына , Жүрекке жақын аяулы ! 19.09.2007жыл. ҚОС АРУ ҚЫЗ . Қос ару қыз көңілімнің жазы ма ? Қуанамын табылғандай қазына . Бір қаладан , бір курста , студент, Жасы бірдей , аты бірдей Жазира . Қос аққу құс жанымызда тұрағы , Сөнбесінші шаттығымның шырағы . Кішіпейіл , күн сәулелі жандарды , Тас қабырға бізден бөліп тұрады . 97. Қос қарлығаш алға үміт жаққандай , Бар бақытын білімінен тапқандай . Қашан көрсең кітап оқып отырар , Алау жүзі арайланған ақ маңдай . Жеміс іздер әрбір адам күзінен , Бақыт көрдім үлбіреген жүзінен . Қос сұлу да қарапайым көрінер , Тәрбиесі ата салты ізімен . Қос аруға жүрек жырым тағылды , Өткен шақты жаным аңсап сағынды . Сұлу қыздар бірге ертіп жүргендей , Менің нұрлы алтын жастық шағымды . 03.10.2007жыл. ЖАПАНДАҒЫ ЖАЛҒЫЗ ТАЛ . Бертай Есмаханұлы Төкеев. (Бәкіржан досының Түлкібас ауданына барып келген әсері бойынша жазылған)
Әлденелер ойға кеп жан ауыртты . Жапан түзде тұрағы жеке дара , Көктем - көңіл құлазып алабұртты . Шөл далада шөліркеп қайдан келген ? Сырласады күн түні суық желмен . Ертеңіңді білмейсің , бұл құдірет , Тіршіліктің тағдырын қалай өрген ? Жалғыз талды төбесі биік еткен , Адам дедім тағдырға күйіп өткен . Жұрт ішінде жабығып , жалғызсырап , Елін, жерін алыстан сүйіп өткен . Жалғыз тал биікте өскен , жол жанында , Таң қала мұңаясың мол сағымда . Анаңды еске аласың аңсауменен , Әкеңді сағынасың сол ағымда . Ынтымаққа жеткізер биік сана , Небір сыр бүгіп жатыр бұл мәрт дала . «Жалғыздықты түсінсін, ойлансын»-деп , Арнайы егіп кетті-ау бір қарт дана . Жалғыз тал үнсіздікте аһ ұрғандай , Әр таңын мың уайыммен атырғандай . «Өмірдің мәнін терең ұғынсын»-деп , Бірлікке адамзатты шақырғандай . Кім ойлар: «Жастық жалын тоңады»- деп ? «Адамдар бұл өмірдің қонағы»-деп . Жанарым жасқа толып , жаутаңдадым , «Ертеңгі күнім қандай болады»-деп ? 20.10.2007жыл. ЖАНЫМНЫҢ ЖАНАРЫСЫҢ КӨЗ ІЛМЕГЕН . Жаным-ау , мені іздеп келермісің ? Айға да , күн-аруға теңер мүсін . Өзіңе өліп өшіп ,өлең өріп , Ақ таңның атқанына сенермісің ?... Өтіпті жиырма бір жыл өзіңменен , Жүректе жылылық бар сезімменен . Қасымда жүрсең дағы сағынамын , Жанымның жанарысың көз ілмеген !... Жиырма бір жыл , өзіңмен жанды шырақ , «Бақыт» деген әуезді әнді құрап , Ұлымыз ұйытқысы боп ұямыздың , «Той төбе» бабалардан жайлы тұрақ . Сыйлаймын жаныңның пәк сұлулығын , Аңсаймын жанға жақын жылылығын . Қостұра алып таудан алып қашқан , Мен сері ,сен көрсетші ұлылығын . Әрбір таң жақсылыққа артық бұрар , Ынтымақ біздер үшін шаттық құрар . Сезімді селк еткізген Сұлусың сен , Өзіңе бір алып күш тартып тұрар ! 25.10.2007жыл. КҮЙ - СҰЛУЛЫҚ . Сұлулық-ай...от жандырдың , жанарда-ай , Күй күмбірлер,кеудем әнге салардай . Сезім-сиқыр ,семсер сұғып санама , Дір еткені ,жүрек тоқтап қалардай . Бас айналды , көз жұмылып ,от шарпып , Қара көзің ,назды әуенін қоса артып . Ажарыңнан , айдай әппақ айналдым , Бар әлемді жіберетін жасартып . Назың балдай ,сазың қандай тартымды , Жақсылыққа жаным балқып тартылды . Сұлулықты сезіндім де санаммен , Алаңдадым жоғалтардай алтынды . 05.11.2007жыл. КЕЛЕДІ АНА СӘБИ ЖЕТЕЛЕГЕН . Ешкімді жақсы көріп сүймеген жан , Отына махаббаттың күймеген жан . Тағдырдың талқысына таланғанмен , Әз басын ешқашанда имеген жан . Аңыздай арулар бар арамызда , Сән берер салихалы санаңызға . Рухын биік еткен ар намыспен , Не дерсіз дана қызға ,дара қызға ?! Перзентін періштедей қорғап қалып , Аққудай жалғыздықта самғапты анық . Аяулы аналар -ай абыройлы , Жүретін арқаланып әруақ танып . Жанарын жәудіретіп ,жасқа малып , Жайнайтын,жадырайтын жаста налып . Денсаулығын ойламай , ұятты ойлар , Баланың бақытынан бастау алып . Келеді ана сәби жетелеген , Қамқоршысы жоқ оның мәпелеген . Жанарда жанды жеген аңсары бар , Сәбиде сағыныш бар әкелеген . Жан жүйкесін мың уайым талағаны , Ұтқаны еркіндік пе , қалағаны ?... Соғыс жоқ , ай мен күннің аманында , Жаралы жан жанымды жаралады ... 19.11.2007жыл. . жүктеу/скачать 1,05 Mb. Достарыңызбен бөлісу:
|