Ғылыми зерттеу саласындағы ұлттық және халықаралық құқық негіздері
жүктеу/скачать 0,49 Mb.
|
Менеджмент рк1 302АБ
|
1.Ғылыми зерттеу саласындағы ұлттық және халықаралық құқық негіздері. Ғылыми зерттеулер еркіндігінің принципі өзінің заңдық күші бойынша әртүрлі, оның қандай да бір салаларына қатысты - ғарыш, теңіз, экологиялық, ақпараттық халықаралық құқық көздерінде өз растауын тапты. Ғылыми зерттеулердің еркіндігін халықаралық-құқықтық бекіту қарастырылатын принципке әмбебап мән береді. Ғылыми зерттеулердің принциптік константасы ретінде еркіндік алуан түрлі өлшемге ие - құқықтық және этикалық, субъективті және объективті. Ғылым мен технологияның прогресі ғылыми зерттеулер мен техникалық әзірлемелерді жүзеге асыруды білдіретін қызмет бостандығындағы прогресті болжайды. Тек еркіндік жағдайында зерттеушілердің жоспарларын іске асыру, сондай-ақ жаңа білімді әзірлеу мүмкін болады. Халықаралық құқық - бұл халықаралық құқықтың субъектілері туындататын және халықаралық құқықтың субъектілері (мемлекеттер, өз тәуелсіздігі үшін күресуші халықтар, халықаралық ұйымдар арасындағы, сонымен қатар кейбір жағдайларда, жеке және заңды тұлғалар қатысатын) арасындағы қатынастарды реттейтін халықаралық- құқықтық қағидалар мен нормалардың жиынтығы. Халықаралық құқықтың да өз реттеу пәні бар. Халықаралық – құқықтық реттеудің пәні болып табылатын қатынастарды екіге бөлуге болады: а) мемлекеттер арасындағы қатынастар; б) мемлекеттер мен өз тәуелсіздігі үшін күресуші ұлттар арасындағы қатынастар. Халықаралық құқықтың нормалары , ең бастысы, халықаралық қатынастардың негізгі субъектілері – мемлекеттер арасындағы қатынастарды белгілеуге бағытталған. Бастапқыда халықаралық құқық мемлекететр арасындағы құқық ретінде қалыптасқан болатын.Бірақта, халықаралық құқық мемлекеттер арасындағы емес сипаттағы қатынастарды да, яғни қатысушыларының біреуі мемлекет болып немесе мемлекет мүлде қатыспайтын қатынастарды да реттеді. Қазіргі уақытта, халықаралық келісімге қатысушылардың ауқымы кеңейіп келеді және мемлекеттің ішкі құзырлығына кіретін көптеген қатынастар мемлекеттердің ортақ мүдделерінің сферасына көшті.Мемлекеттер арасындағы емес халықаралық қатынастар а) мемлекет пен халықаралық ұйымдар арасындағы б) халықаралық ұйымдар арасындағы; в) бір жағынан мемлекететр, халықаралық ұйымдар, екінші жағынан жеке және заңды тұлғалар арасындағы; г) жеке және заңды тұлғалар арасындағы. Халықаралық бұқаралық құқық және халықаралық жеке құқық бар. Халықаралық бұқаралық құқық- халықаралық құқықтың субъектілері арасындағы саяси сұрақтар бойынша туындаған қатынастарды реттейді.Халықаралық жеке құқық – мемлекеттер арасындағы, заңды тұлғалар (ұйымдар мен мекемелер) мен жеке тұлғалар (азаматтар) арасындағы халықаралық жобадағы жеке сұрақтар (авторлық құқық, мұрагерлік құқық, отбасы-неке сұрақтары) бойынша туындаған қатынастарды реттейді. Халықаралық құқық – бұл ерекше құқық жүйесі болып табылады. Ғылым және оқу пәні болып табылады.Халықаралық құқық құқық жүйесі ретінде барлық мемлекететрдің, барлық адамзаттың иглігі болып табылады, ол барлығына біреу. Бірақ та халықаралық құқық ғылымы барлық мемлекеттерге бірдей бола алмайды. Әрбір мемлекеттте өзінің халықаралық құқық ғылымы болады,мысалы, халықаралық құқықтың қазақстандық ғылымы.Халықаралық құқық, кез келген мемлекеттің ұлттық құқығы сияқты салаларға бөлінеді. Халықаралық құқықтың салалары халықаралық қатынастардың белгілі бір тобын реттейді және халықаралық –құқықтық институттар мен нормалардың жиынтығы болып табылады. Мысалы, Халықаралық қауіпсіздік құқық саласы халықаралық пен қауіпсіздікті қамтамасыз етудегі қатынастарды реттейді; Халықаралық ұйымдар құқығы халықаралық ұйымдарды құру мен қызмет ету тәртібін реттейді.Халықаралық құқықта мынадай салалар қалыптасқан:1) Халықаралық құқық субъектілік құқық;2) Халықаралық ұйымдар құқығы;3) Халықаралық гуманитарлық құқық;4) Халықаралық теңіз құқығы; 5) Халықаралық әуе құқығы;6) Халықаралық ғарыш құқығы;7) Халықаралық атом құқығы;8) Халықаралық экономикалық құқық;9) Халықаралық қылмыспен күрес құқығы;10) Халықаралық келісімшарт құқығы;11) Халықаралық қоршаған ортаны қорғау құқығы;12) Халықаралық қауіпсіздік құқығы жүктеу/скачать 0,49 Mb. Достарыңызбен бөлісу:
|