Жеке дара әрекеттер – алаңдағы жағдайға дұрыс баға беріп, үйлесімді шешім қабылдау негізінде қарсыласының қорғану немесе шабуыл әрекетін ойдағыдай жеңіп шығу.
Командалық әрекет – қоршаулы шабуылға ыңғайлы жағдай жасау үшін команданың ұжымдық әрекеті.
Шеткі сызық – қалқанның артқы жағындағы алаңның ұзындығын шектейтін сызық.
Допты ұстау – мұның көмегімен баскетболшы сенімді түрде допты иеленіп, келесі шабуыл қимылын жасауы. Оның допты екі қолмен, не бір қолмен қағып алуы.
Жансыз доп – ойында жоқ доп, доп себетке түскенде, қарсы ойыншы оны ойынға енгізгенше, таласып қалған кезде, төреші алаңның ішінде ескертулер беріп жатқанда, ойынның аяқталғандығы немесе қосымша уақыт берілгендегі жөнінде белгі берілгенде «жансыз доп», яғни, ойында жоқ доп болып есептеледі.
