Тәжірибе барысы: Бір стақанға 2 ас қасық кальций хлоридін, ал екінші стақанға сонша сода (натрий карбонаты) салып, әрқайсысына шамамен стақанның 1/3 көлемде су құямыз. Сосын алынған ерітіндіні бірге қосамыз. Алынған сұйықтық сүт сияқты ақ түсті болады. «Сүт» кальций карбонатының тұнбаға түсуіне алып келетін алмасу реакциясының нәтижесінде түзіледі.
Бұл тәжірибені тез көрсету керек. Өйткені, кальций карбонаты тез тұнбаға түсіп, стақанның түбіне шөгеді.
СаСl2 + Na2CO3 = CaCO3↓ + 2NaCl,
Тәжірибе барысы: 1843 жылы Рудольф Бёттгер сарғылт-қызыл кристалды зат – аммоний дихроматын (NH4)2Cr2O7 алды. Ол бұл затты сынап көрейін деді. Ол тәрелкеге кристалды тау қылып үйіп оған жанып тұрған шыраны апарды. Кристалдар тұтанбады, бірақ жанып тұрған шыраның соңында бірнәрсе «қайнағандай» болды да, қызған бөлшектер ұша бастады. Үйілген тау үлкейе бастады және бірден үлкен көлемге айналды. Түсі де өзгерді: сарғылт-қызылдан жасыл түске айналды. Кейінірек аммоний дихроматы тек жанып тұрған шыраның немесе сіріңкенің әсерінен ғана емес, сонымен қатар қыздырылған шыны таяқшадан да ыдырайтыны белгілі болды.
(NH4)2Cr2O7 = Сr2O3 + N2↑ + 4H2O
Нәтижесінде газ тәрізді азот, су буы, қызған хром оксиді және жылудың көп мөлшері түзіледі. Бұл кезде молекулаішілік тотығу-тотықсыздану реакциясы жүреді.
