Нитрат иондарының (NО3-) реакциялары
NО3- ион азот қышқылының анионына жатады, минералды күшті қышқылдардың бірі. Азот қышқылы күшті тотықтырғышқа жатады. Барлық нитраттар суда ериді.
1. FeSO4 темір (ІІ) сульфаты азот қышқылымен немесе оның тұздарымен азот (ІІ) оксидін NO бөлу арқылы тотығады. Реакция концентрлі күкірт қышқылы қатысында жүреді:
2NaNO3 + 6FeSO4 + 4H2SO4 = 3Fe2(SO4)3 + Na2SO4 + 2NO↑ + 4H2O
Азот (ІІ) оксиді FeSO4-пен қоңыр қосылыс [Fe(NO)]SO4 түзеді:
FeSO4 + NO = [Fe(NO)]SO4
Реакция нәтижесінде түзілген қосылыс, NO2- ион реакциясы кезінде де сол қосылыс түзулуіне қарамастан біз бұл иондарды ажырата аламыз, реакцияның қалай жүретіндігімен. Егер ерітіндіде нитрит немесе нитрат бар екені белгісіз болса, алдымен сұйылтылған күкірт қышқылымен реакция жүргізу қажет. Егер реакция нәтижесі көрінбесе NO2- ионның қатысына, онда реакцияны енді концентрлі күкірт қышқылымен қайталау қажет. Қоңыр түсті сақинаның пайда болуы NО3- ионның қатысын дәлелдейді.
Достарыңызбен бөлісу: | 
