12.5 Астықты қабылдау кәсіпорындарында сақтауға дайындаудың технологиялық үдерістері
Қабылдау кәсіпорындарының соңғы жылдардағы техникалық жабдықталынуының өсуі астықты тапсырып, қабылдаудың технологиялық және экономикалық тиімді жүйелерін енгізуге мүмкіндік тудырады. Астықты орақтан соңғы өңдеудің және одан кейінгі жұмыстардың мынадай бір кең тараған желісін оқырман назарына ұсынуға болады (71- сурет).
Астықты дер кезінде өңдеудің нәтижесінде кейбір партиялардың кәсіпорын төңірегінде, яғни ішінде жылжытып, қозғап тасымалдауды азайтады, дәннің сақтауға төзімділігін арттырады, қоймаларды тиімді пайдалану мүмкіндігі туады.
Астықты қабылдау кезінде өңдеу дәннің шығынын күрт қысқартады. Бұл кездегі шығын астық жиымын сақтау барысында орын алатын физиологиялық құбылыстарының өрбуіне байланысты.
Астықты толассыз өңдеуді іске асыру үшін бір-бірімен бір жүйелілікпен жинаушы шанақтармен және көтергіш транспорт механизмдер арқылы байланыстырылған машина кешендерінен тұратын технологиялық желілер жасалынады. Астықты қабылдау және өңдеу желілері жалпы мынадай операцияларды, шараларды қамтиды:сынама өлшем алып, келіп түсіп жатқан астықтың сапасын анықтау; автомобиль таразыларында астықтың салмағын өлшеу; астықты түсіру; дәннің технологиялық құндылығы және сапа көрсеткіштері бойынша партиялар жасау; астықты бөтен қоспалардан және жармасын қалдықтардан бірінші кезекте тазарту; кептіру, астықты құрғақ күйінде құнды дән қалдықтарынан, қоспаларын бөле отырып екінші кезекте тазарту; қалған астықты таразыға тарту және қоймаға салып орналастыру.
Достарыңызбен бөлісу: |
