Дәріс 21. Білім беру технологиялары Жоспар:
1. Тұтас педагогикалық процесті жүзеге асыру технологиясы.
2. Басқа білім беру технологиялары.
3. Пән мұғалімінің авторлық әдістемесін және технологияны болжауы мен енгізуіндегі шығармашылық іс-әрекеті
Көптеген уақыттар желісінде «технология» түсінігі педагогикалық ұғымдар қорынан тыс қалып келді.Шынайы мәні (шеберлік жөніндегі ілім) педагогикалық міндеттерге:педагогикалық процесті сипаттау,түсіндіру,болжау,жобалау – сай келсе де, ол технократиялық тіл элемент ретінде қарастырылды.
Педагогикалық технологиялар – бұл педагогикалық әрекеттер табысына кепіл болардай қатқыл ғылыми жоба.Әрі сол жобаның дәл жаңғырып іске асуы.Педагогикалық технология кешенді ,бірігімді процессс.Ол өз құрамына адамдарды ,идеяларды,құрал – жабдықтарды,сонымен бірге жоспарлау, қамсыздандыру,бағалау және білім меңгерудің барша қырлары жөніндегі проблемалар шешімін басқаруды қамтиды.Педагогикалық технологиялар көп түрлі болуына қарамастан,олардың іске асуының екі ғана жолы бар.Біріншісі- теориялық негізде орындалуы(В.Б.Беспалько,В.В.Данилов,және т.б.) екіншісі – тәжірибемен жүзеге келуі (Е.Н.Ильин,В.Ф.Шаталовжәне т.б.) Сонымен технология астарында не жатыр?Оқу технологиясы жөніндегі идея қай заманда пайда болған? Мұндай ғылымдық мәні бар ой жаңалықты емес.Кезінде оны Я.А.Каменский де дәріптеген.Ұлы педагог – ғұлама 16- ғ. Оқудың «техникалық» (яғни «технологиялық») болатынын уағыздап,оның мүлтіксіз тиімді нәтиже беретін жолдарын іздестіріп бақты.Я.А.Каменский еңбектеріне үңіле түссек,педагогикалық технологияға бастау берген даналық пікірлерді табамыз: «Дидактикалық машина үшін қажет нәрсе – 1)түбегейлі ойластырылған мақсаттарды;2)сол мақсаттарға жетуге дәл икемдестірілген жабдықтарды;3)мақсаттың орындалмауына мүмкіндік бермейтін нақты жабдықтарды қолданудың мызғымас ержелерін табуымыз керек»
-Қолдану деңгейі : жалпы педагогикалық,пән әдістемелік,бөлімдік (модульдік);
-Философиялық негізі : ғылыми және діни ,гуманистік және әміршіл-әкімшіл (авторитарлы);
-тәжірибе меңгерудің ғылыми негіздемесі (концепция): байланыс –жауапты (ассоциатив - рефлектор); іс – әрекетті (бихевиористік),іштей ұғұ (интериоризаторлы),дамытушы;
