Төртінші шығармашылық деңгей тапсырмалары

Оқушылардың жинаған өмірлік тәжірибесі мен қалыптастырған ұғым, түсініктерінің, қиялы мен белсенді ой еңбегінің нәтижесінде жаңаша, бұған дейін болмаған, белгілі бір дәрежеде олардың жеке басының икемділігін байқататын дүние жасап шығуына негізделген дүние.

Сонымен, қорытып айтатын болсақ, бұлар:

Бірінші деңгей үшін – игерілгендерді пысықтау мен қайталауға, командалар мен операторлар қызметін жаттауға арналған.

Жоғары деңгейлер үшін – алған білімдерін өз бетімен қорыту мен жүйелеуге және тәжірибеде қолдануға арналған тапсырмалар.

Оқытудың осы жаңа технологиясы жағдайында:

• 
  оқушылардың өздігімен жүргізетін танымдық іс-әрекеті үшін тапсырмалар күрделілігі төрт деңгей бойынша қарастырылып;
  
• 
  оқыту-проблемалық принциптер бойынша жүргізіліп;
  
• 
  барлық деңгейдегі тапсырмалар қызғылықты мазмұндалған болса, оқушыларда ынталану пайда болады.
  

Деңгейлік тапсырмаларды енгізгендегі басты мақсат – сынып оқушыларын «қабілетті» және «қабілетсіз» деп жасанды түрде әр түрлі жіктерге бөлуді болдырмау. Осы арқылы деңгейлік және дербес оқыту принциптерімен қатар, барлық оқушыға қатысты, ізгілендіру приципі де сақталады. Деңгейлеп оқыту барысында оқушының бірінші деңгейдегі тапсырмаларды дұрыс орындағына есепке алынып отырады.

Жалпы білім беретін орта мектепте «Информатика мен есептеуіш техника негіздері» курсы 10-11 сыныптарда 3 түрлі бағдарламамен берілген және 7-8 сыныптарда жаңа информатика кітаптар шығып, жаңа бағдарламамен берілген .

1. Basic программалау тілі - математика-физика пәндерін тереңдетіп оқытатын мектептерде,

2. Паскаль программалау тілі- математика-физика пәндерін тереңдетіп оқытатын мектептерде .

З. Жана ЭЕМ-нің шығуларына байланысты "Компьютер және іс қағаздарды жүргізуші"-мамандыққа баулу курсы бойынша.

Информатика - ЭЕМ арқылы ақпаратты жинау, сақтау, түрлендіру, тасымалдау және оны пайдалану заңдылықтары мен тәсілдерін зерттейтін жаңа ғылыми пән.

Бүгінгі күннің өзінде-ақ көптеген қызмет салаларында ЭЕМ-ді пайдалану адамдардың мәліметтерді жинау, дайындау және өңдеу жұмыстарын оңайлатып, жобалау және ғылыми зерттеу жұмыстарын жылдам жүргізуіне мүмкіндік береді. 7-11 сынып оқушыларының компьютерлік сауаттылығын оқытып, үйрету үшін информатика сабағында саралап оқыту әдістеме тәсілін қолдануға болады. Саралау жалпы және оқушылардың барлығына міндетті бағдарламаның материалдарды толықтыра оқытуды дараландыруға, оқушылардың қабілеттері мен бейімділіктерін толық ашуға, жергілікті және аймақты сұраныстарды жан-жақты ескеру ушін қолайлы жағдай жасайды. Саралап оқытылатын білім деңгейінің мына шарттарымен жұмыс жасаймыз.