| Топырақтың су режимін реттеу жолдары:
1. Суару;
2. Құрғату;
3. Агротехникалық шаралар: қар тоқтату, орман жолақтарын егу, дақылдарды жал жасап егу, сыдыра жырту, мульчирование жасау.
3. Суарудың қоршаған ортаға, өсімдіктерге әсері. Агрономның міндеті суарудың пайдалы әсерін арттырып, өсіріліп отырған дақылдан мол табыс алу болып табылады. Ол үшін төмендегі мәселелерді білген жөн.
Суарудың топыраққа әсері. Ылғалдану нәтижесінде топырақтың жылу сыйымдылығы және жылу өткізгіштігі артып, температуралық режимі жақсарады. Яғни, күн қатты ысыған кезде ылғал топырақ құрғақ топыраққа қарағанда салқынырақ, ал түнде жылырақ болады. Нәтижесінде, суармалы топырақтың температуралық және жылу режимдері ауыл шаруашылық дақылдарының өсіп-жетілуіне физиологиялық тұрғыдан қолайлы болады екен.
Суару топырақ ылғалдылығын жақсарта келе микробиологиялық үрдістерге жақсы әсерін тигізеді. Топырақ құрамында микробиологиялық үрдістер неғұрлым жақсы жүрсе, солғұрлым топырақ құнарлылығы артатыны бізге белгілі.
Топырақ ылғалдылығы оның еркін су сиымдылығынан 50-90 пайыз аралығында болғанда микробиологиялық үрдістер жақсы жүреді, микроорганизмдердің жұмысы жақсарады.
Достарыңызбен бөлісу: |
