ІҮ бөлім. Инклюзивті қолдау мақсатында құрылатын мектепішілік психологиялық- педагогикалық консилиум жұмысының маңызы Білім беру ұйымындағы психологиялық-педагогикалық консилиум туралы Ереже 1. Жалпы ережелер 1.1. Психологиялық-педагогикалық консилиум (бұдан әрі - Консилиум)
білім беру ұйымындағы ерекше білім беруге қажеттілігі бар балаларды дамыту мен оқытудағы мәселелерді шешу және ерекшеліктерін зерттеуге кешенді
ықпалды қамтамасыз ету үшін психологиялық-педагогикалық қолдау
қызметінің мамандары мен білім беру процесінің қатысушыларының өзара
әрекеттесуінің тұрақты қызмет ететін формасы болып табылады.
1.2. Консилиум өз әрекетін білім беру ұйымының ішінде ғана жүзеге
асырады.
1.3. Консилиум білім беру ұйымы жетекшісінің бұйрығымен құрылады
және Консилиумның төрағасымен үйлестіріледі.
1.4. Консилиум өз әрекетінде БҰҰ бала құқықтары туралы Конвенция,
Қазақстан Республикасының әрекеттегі «Білім туралы», «Кемтар балаларды
әлеуметтiк, медициналық-педагогикалық түзеу арқылы қолдау туралы»,
«Арнаулы әлеуметтік қызметтер туралы» Заңдарды және осы Ережені
басшылыққа алады.
