Ананың қалқанша безінің гормондары жүктіліктің барлық кезеңінде маңызды рөл атқарады. Жүктіліктің ерте кезеңдерінде олар осы кезеңде жүктілікті сақтау үшін маңызды болып табылатын сары дененің жұмысын ынталандырады. Қалқанша безінің гормондарының физиологиялық әсерлері соншалықты әртүрлі, олардың жетіспеушілігі немесе артық болуы барлық дерлік жүйелер мен органдарға әсер етеді. Қалқанша безінің гормондары тіндердің өсуі мен дифференциациясына, сүйектену процестеріне және ұрықтың орталық жүйке жүйесінің қалыптасуына әсер етеді. Дәл жүктілік кезіндегі ананың қалқанша безінің гормондарының теңгерімсіздігі баланың психоневрологиялық дамуын бұзуда жетекші рөл атқарады
Ұрықтың гипоталамус-гипофиз-қалқанша безі осі жүктіліктің бірінші триместрінің соңына қарай жұмыс істей бастайды және Жүктіліктің 12 аптасында ұрықтың қалқанша безі йодты сіңіре бастайды, ал 18– 20 аптада ұрық қалқанша безінің гормондарымен толықтай дерлік қамтамасыз етіледі. Осы кезеңге дейін аналық T4 және аз дәрежеде Т3 плацентарлы тосқауылдан ұрықтың қанына еніп, оны қалқанша безінің гормондарымен қамтамасыз етеді. Плацентада жоғары концентрацияда 3 типті деиодаза бар, ол кері T3 түзілуімен Т4 ішкі сақинасының дейодсыздануын катализдейді, сонымен қатар аналық йодотирониндердің дейодтануына ықпал етеді, осылайша ұрықты йодпен қамтамасыз етеді [3].
Тәуекел топтарында (жүкті және бала емізетін әйелдер) йодтың жеке профилактикасы міндетті болып табылады және йодқа тәуліктік қажеттілікті 250 мкг ескере отырып, 200 мкг дозада калий йодидін қабылдауды қамтиды.
