Сәуле Құрманбекқызы
Шайхсламова
технология және қолданбалы экономика пәндерінің мұғалімі
Н.Ілиясова атындағы №9 мектеп-гимназиясы
Қызылорда облысы
Қызылорда қ.
«Мұғалім үнемі шығармашылық ізденісте болуы тиіс, қол жеткізгенжетістіктерде тоқтамай, жаңа бастамаларға ашық және еңбекқор болуы керек деп санаймын. Мен жұмысыма толық берілемін және бұл маған қиындықтарды жеңуге көмектеседі.
Мен өзімді басқа мамандықтың иесі ретінде елестете алмаймын. Өз еңбегімді және балалармен қарым-қатынасымды ұнатамын. Осылайша, мен өзімді тұлға ретінде қалыптастырамын».
Маржан Мурзағалиқызы Асылбаева
математика пәнінің мұғалімі
№11 мамандандырылған
физика-математика мектебі
Маңғыстау облысы
Ақтау қ.
«Педагог – рухани бай тұлға. Ол адамдардың қарым-қатынасына, әлем сұлулығына ерекше мән береді. Онда эмпатия мен рефлексия жоғары дамыған. Ол оқытудың жаңа технологияларын өмірге ендіруге дайын, оқу-тәрбие ісіне шынайы жанашырлық танытатын қоғамнын ең озық бөлігінін бірі болып табылады. Қоғам үшін, ел болашағы үшін ұстаздық жолды таңдаған адамдарға терең теориялық біліммен қатар, оған ерекше қабілет пен асқан біліктілік, балаға деген сүйіспеншілік қажет.
Шынымен де, ұстаздық жол – қызығы мен қиындығы қатар жүретін өте қасиетті жол. Осынау қасиетті жолмен білім әлемінің тылсымына бойлай отырып, бала жүрегінен жол табу ұстаз үшін үлкен бақыт».
Мұғалімдердің тиімді жұмысы және мектепте нәтижелі оқыту ортасын құруда олардың материалдық-техникалық және оқу-әдістемелік ресурстармен қамтамасыз етілудің маңызы зор.
Достарыңызбен бөлісу: |
