Жүрек және қан тамырлары аймағындағы басқа да пульсациялардың түрлері Қолқа пульсациясы. Қалыпты жағдайда қолқа пульсациясы байқалмайды. Қолқа пульсациясының мойындырық шұңқырында пайда болуы қолқа доғасының айқын кеңеюінде және қолқа аневризмасында байқалады. Бұл төс арты пульсациясы деген атауға ие. Кеуде клеткасының дірілі (мысық пырылы)-ол пырылдап жатқан мысықтың арқасын сипағанда байқалатын діріл сияқты болып сезіледі.Бұл симптомды табу үшін аускультация жасайтын нүктелердің үстіне алақанды көлбеу қойып, байқап көру керек. Бұл феноменнің механизмін қанның қос жармалы және қолқа қақпақшаларының тарылған саңылауы арқылы өтуімен түсіндіруге болады.
Түрлері:
а) диастолалық (митральды стенозда диастола кезінде анықтауға болады)
б) систолалық (өкпе артериясының немесе аортаның стенозында систола кезінде анықтауға болады).
