Қорытынды: Биологиялық терроризмнің өсу қауіптеріне және аса қауіпті инфекциялардың таралуына байланысты ұлттық биологиялық қауіпсіздік жүйесін құру қажет.
ДДҰ деректері бойынша адам денсаулығының 50%-ы өмір салтына, көптеген созылмалы инфекциялық емес аурулардың (жүрек-қантамыры жүйелерінің аурулары, қант диабеті және басқалар) дамуына тәуелді, сондай-ақ адамның өмір сүру салтына байланысты. Соған байланысты салауатты өмір салтын қалыптастыру және дене тәрбиесін дамыту маңызды болып отыр.
Халықтың денсаулығын әрі қарай нығайту және негізгі әлеуметтік-елеулі аурулар деңгейін төмендету жалпы барлық жұртшылық үшін, алаңдатарлық мәселенің бірі болып отыр.Оны орындаудың негізгі шарттары келесідей:
1)Азаматтардың ұрпақты болу денсаулығын жақсарту және ана мен бала денсаулығын сақтау.
2)Аурудың профилактикасы тәсілдерін жетілдіру.
3)Негізгі әлеуметтік-елеулі аурулар мен жарақаттануларды диагностикалауды, емдеуді және оңалтуды жетілдіру.
4)Егде жастағы адамдарға көрсетілетін медициналық көмекті жетілдіру.
5)Дәрі-дәрмекпен қамтамасыз етуді жақсарту.
6)Акушериялық-гинекологиялық және педиатриялық қызметтер арасында өзара іс-қимылды жақсарту.
7)Ауру адамдармен жұмыс жасайтын медбикелердің жалақысын жақсарту.