телефонограмма қабылдаған және берген адамның лауазымы мен аты-жөні.
Телефонхат бір данадан жасалып, оған басшы не орындаушы қол қояды. Мәтіні 50 сөзден аспауы керек. Телефонхаттыы бергенде мынадай ұсыныстарды ескеру керек:
қарапайым және жедел хабар беру;
жазудың дұрыстығын қайталап оқу арқылы тексеру;
қисыны күрделі мәтінді жібермеу;
сирек қолданылатын сөздерді пайдаланбау.
Жеделхат - ақпарат беру әдісі (телеграф) жағынан бірдей, әртүрлі мазмұндағы құжаттардың жалпы түрдегі жинақтама атауы.
Жеделхаттар мен телетайпхаттар арнайы баспахана қағаздарына толтырылады, олар жоқ болса, қажет пішімдегі жай қағазға толтырылады. Жеделхаттың екінші данасы ұйымның іс қағаздарына тіркеледі.
Оның мәтініне ерекше телеграф стилі тән: көмекші сөздер, шылаулар, жалғаулықтар, тыныс белгілері болмайды. Сандар сөзбен жазылады. Мәтін қысқа, жинақылықты қажет етеді, екі ұшты, астарлы болмау керек. Екіұшты түсінік тууы мүмкін жағдайда тыныс белгілері қысқарған сөздерден құралады: НКТ-нүкте, ҮТ-үтір, ҚТ- қос нүкте, ТР-тырнақша, НР- нөмір.
Халықаралық жеделхаттар орыс және латын шрифтерімен басылады. Халықаралық жеделхат мәтіні 1,5 аралықта тасқа басылған әріптермен, жаңа жолсыз, тасымалсыз, түзетулерсіз басылады.