Клипті тоқтатып қою. Оқушылар фильмді көріп отырғанда ең қызықты не маңызды жеріне келгенде тоқтатып, ары қарай не болатынын сұрап, болжал жасау. Содан кейін ары қарай көріп, болжалдың дұрыс не бұрыс екендігін айту.
Клиптің дауысын өшіріп көру. Оқушылар клипті дауысын өшіріп көреді. Топта кейіпкерлердің не айтып жатқанын болжап, бір-бірімен ой бөліседі. Әр топтың болжалын тыңдап болған соң, клипті дауысымен көреді де, қай болжалдың дұрыс болғанын айтады.
Бұл үш түрлі әдіс мәтіннің негізгі идеясын түсінуге арналған. Мәтінді естіп, іс-қимылды көріп, алда не болатынын болжап бір-біріне түсінгенін айтып береді. Бұдан басқа мәтінді бүге-шігесіне (детально) дейін түсіну үшін арналған жаттығулар бар.
Соның бірі екі кісінің әңгімесіндегі сөйлемдерді орын орнына қою. Жазбаша мәтіндегі сөйлемдерді жеке-жеке қырқып, әр жұпқа беру керек. Клипті дыбыссыз көріп, берілген сөйлемдерді нөмірлеу керек. Содан кейін клипті дауысымен көріп тексеру керек.
