Мәтінмен жұмыс жасағанда қолданылатын жаттығулардың түрлері

Мәтінді оқу алдындағы әдістер:

• 
  Тақырып не бірінші бөлімнің тақырыбы бойынша мәтінде жауабы бар шығар деген үш сұрақ жазу.
  
• 
  Тақырып не сурет арқылы мәтіннің не туралы екендігіне болжам жасау
  
• 
  Жаңа сөздер енгізіп, сол сөздерді қолданып болжалдау .
  
• 
  Негізгі кейіпкерлердің аттарын тақтаға жазып, олар туралы аздаған мәлімет беріңіз. Оқушыларыңыз сіз берген мәліметке сүйеніп өз оқиғаларын өрбітеді.
  
• 
  Бір тақырыпқа мәтін таңдаңыз. Тақырыпты тақтаға жазыңыз. Оқушылардан осы тақырып бойынша не білгілері келетінін сұрап, тақтаға жазыңыз. Мәтінді оқып болған соң қандай сұраққа жауап алғандарын сұраңыз.
  

Негізгі идеяны табудағы әдістер:

• 
  Болжамның дұрыстығын растау үшін мәтінді оқу.
  
• 
  Бірнеше сөйлем құрастырып, олардың қайсысы мәтінде кездесетінін айту.
  
• 
  Үш тақырыпты тақтаға жазып, қайсысының сәйкес келетінін айту.
  
• 
  Бірнеше суретті көрсетіп, мәтінді оқып шығып, қай суреттің мәтінге сәйкес келетінін айту.
  
• 
  Мәтінге көз жүгіртіп шығып, тақырып таңдау.
  
• 
  Мәтінді оқып, әр бөліміне тақырып, сурет, т.б. сәйкестендіру.
  
• 
  Мәтінге көз жүгіртіп шығып, суреттерді не бөлімдерді рет-ретімен қою.
  
• 
  Мәтінді толығымен оқымай тұрып сұраққа жауап беру.
  
• 
  Жалпы сұраққа жауап беру үшін не дұрыс не бұрыс екенін айту үшін тез қарап шығу.
  
• 
  Мәтінді бірнеше бөлікке бөліп әркімге бөліп беру керек. Оқып болған соң әр бала өз бөлігін қысқаша баяндайды. Мәтінді рет ретімен қалпына келтіреді.