Жаңартылған білім мазмұны жаңашылдыққа бастама

Елбасы Н.Ә Назарбаевтың «Жаңа әлемдегі жаңа Қазақстан» атты халыққа жолдауында «Қазақстан әлемдегі бәсекеге барынша қабілетті елу елдің қатарына енуі үшін білімді де зерделі, жан-жақты дамыған дарынды, қабілетті ұрпақ керек» - деген еді.

Осыған орай, Түркістан облысы Шардара ауданының білім бөлімінің химия-биология пәндерінің әдіскері Д. Надирбаева және серіктес мектептердің координаторы Ж. Нуримбетованың ұйымдастыруымен қаңтар айының 29-ы күні А. Иманов жалпы орта мектебінде «Модерация-топтық жұмысты белсендірудің тәсілі» тақырыбында аймақтық семинар өткізілді. Семинарға серіктес мектептерден мұғалімдер келіп қатысты. Семинар барысында аталған мектептің мұғалімдері Б. Раймуханов, С. Абилхасимова, Ж. Бишеновалар жаңартылған білім мазмұны бойынша сабақтарын және мектеп тренері Г. Шағдарова «Ұстаздың кәсіби іс-әрекетіндегі педагогикалық әдеп»тақырыбында мұғалімдермен коучинг өткізді. Сабақтарда жаңартылған білім мазмұны бойынша белсенді әдіс-тәсілдерді қолдана отырып топтық, жұптық жұмыстардың тиімділігін көрсете білді.

Семинарды қорытындылай келе, серіктес мектептердің координаторы Ж. Нуримбетова мұғалімдердің жаңартылған білім мазмұны бойынша әдіс-тәсілдерді қолданудағы шеберлігін және осы әдіс-тәсілдердің білім сапасына тиімділігін айтып, семинардың жоғары деңгейде ұйымдастырылғанын атап өтті.