Жұбайлар шаттығЫ
Онанизм, мастурбация – жасырын әдет
жүктеу/скачать 0,89 Mb. Pdf көрінісі
|
ЖҰБАЙЛАР ШАТТЫҒЫ
| 9. Онанизм, мастурбация – жасырын әдет
Онанизм, мастурбация дегеніміз – ұрықты жыныстық қатынас жолынан басқа жолмен шығару. Мұны кей кездерi «жасырын әдет» деп те атайды. Себебі көбінесе бұл iс сырт көзден таса, жасырын, жалғыз қалғанда жыныстық мүшенi үйкелiске түсiру арқылы жасалады. Имам Малик, Шафиғи, Әбу Ханифа мәзһабына жататын ғұламалар мұны харамға жатқызған. Алайда онанизмнiң харамдығы зинаның харамдығымен тең келмесi анық. Өйткенi әлдебiр кiсi осы екеуінің бірін жасамаса болмайтындай жағдайға жетсе, зинадан гөрi күнәсі жеңiлдеу болғандықтан, осы жолды қолдануына болады. Имам Ахмад секiлдi ғұламалар бұл iске зинақорлықтан сақтану үшін рұқсат берген. Әлбетте, бұл жерде ғұламалардың онанизм немесе мастурбацияны не үшiн рұқсат еткенiн тiзбелеп жату орынсыз. Сондықтан «бел суытудың» бұл әдiсiне бой үйретiп, әдетке айналдыруды харамға жатқызғанын айтумен шектелейiк. Өйткені ғұламалар негiзi адам баласына зиян болатын әрекеттерге құнығуды ешқашан рұқсат етпейді. Тіпті адам ағзасының қалыпты қызмет жасауына қажетті ас-ауқаттың өзiн де асқазанның үштен бiр бөлiгiн толтырардай мөлшерден асса зиян болатындықтан, шектен тыс ауқаттануға тыйым салған емес пе?! Сол сияқты егер «жасырын әдет» адам ағзасына зиянды болатын болса, ғұламалар оны неге харам етпесiн. Жалпы, имам Ахмад болсын басқа ғұламалар болсын, адам баласына зиянды іс-әрекеттерге ешқашан да рұқсат етпегенi анық. Ендеше, мұндай әдеттен мүлдем аулақ болу керек. Дегенмен бұл әдет – өзi өте бiр тайғанақ нәрсе. Адам баласының жаман әдетке бойы оп-оңай үйренiп кететіні, кейiннен одан құтыла алмай әлек болатыны шындық. Еркектiң жыныс мүшесінің басы аса сезімтал болып келеді. Қосылу кезінде ол ұрық безiне белгi берiп, нәтижесiнде белгiлi мөлшердегi ұрық («мәни») шығып, еркектiң қуық асты безiнен («пристательная железа») шығатын сұйықтықпен араласады. Бұл – шәуiттi сұйылтып, оның белсендiлiгiн арттыратын сұйықтық. Осы сұйықтықтың 52 шығуымен құмарлық басылып, тынышталады. Егер адам жыныс мүшесімен ойнай берсе, үрпiсiнiң терісі қалыңдап, сезімталдығы бәсеңдейдi және қуық асты безiнiң сұйығымен араласпаған ұрық пайда болады. Ал бұл – құмарлықтың қозуын басатын ерекше сұйықтық. Егер ұрық бұл сұйықтықпен араласпаса, құмарлықтың басылуы уақытша ғана болады. Сосын ол қатты қозады. Нәтижесінде бұл адам екінші, үшінші, тіпті одан да көп шығаруға мәжбүр болады. Тіптi осының салдарынан қасабасы мен ұрық жолдарына зиян тиiп, соңында қан шығып кетуі мүмкін. Бұл жаңа ғана ержете бастаған жастар үшін өте қауiптi. Өйткенi онанизммен айналысудың салдарынан үрпiсiнiң сезімталдығы әлсіреген кiсiнiң кейiннен жыныстық қатынас жасауға үйренуi екiталай. Себебі онанизм салдарынан әлсіреген жыныс мүшесiнің басы қынапқа кiргiзгенде қозбайтын болады. Яғни ұрық («мәни») қолмен ойнау арқылы ғана шығуға әдеттенедi. Бұл өзіне де, әйеліне де зиянды. Екiншiден, әйелін қосылу жолымен қанағаттандыру – еркектің міндеті. жүктеу/скачать 0,89 Mb. Достарыңызбен бөлісу:
|