«Расында, Ол сендерді түрлі жағдайларда жаратты» 2 , – деген.
Аллаһ тағала Адам атаны (аләйһис-сәләм) топырақтан
жаратты. Топырақты лай, лайды балшық етті. Сосын шерткенде
сыңғырлап тұратын қышқа айналдырды. Содан кейін оған жан
беріп, ұзындығы алпыс кез, ені жеті кез болатын денесi бар адам
кейпiне енгiздi. Бұл жаратылыс бiрте-бiрте қысқарып, бүгінгі
күнге дейін өзгеруде.
Қасиеттi Құранда Адам атаның ұрпағы – адамзаттың
жаратылуы жайында:
«Ол сондай Аллаһ, әр нәрсенің жаратылысын көркемдестірді. Адам баласын жаратуды балшықтан бастады. Сосын оның нәсілін бір жайсыз судың негізінен жаратты. Сосын оны бейнелеп, ішіне Өз рухын үрледі. Сондай-ақ сендерге есту, көру және түсіну қабілетін берді. Аз шүкір етесіңдер» 3 , – делiнген.
Мұнда аталған адам баласы – Адам ата, нәсілі – оның
балалары.
