«Жер бетіндегі әр жәндіктің қорегі Аллаһқа тән...» 1 , – деген.
Пенденің Аллаһ тағаланың Өзі ғана ризық беруші екеніне
иман келтiрiп, берген перзентiн көп көрмегені игi болар еді.
6) «Ұрық тамырын байлап қою» тәсілiне амалсыз жағдайдан
өзге кезде рұқсат етiлмеген. «Перзент көргім келмейді» деген
мақсатта бұлай жасауға болмайды. Бұл істі пішумен теңестіреді.
7) Еркектің өз-өзін пішуiне, амалсыз жағдайдан өзге кезде
жыныс мүшесін кесіп тастауына рұқсат жоқ. Бұл Аллаһ
тағаланың жаратқанын өзгерту және жанды қинап денсаулыққа
зиян келтiру болып табылады. Бірақ сиыр, қой сияқты бордақыға
байланған малдардың ет жинауы үшін оларды пішуге болады.
Жалпы айтқанда, амалсыз жағдайдан өзге кездерде жүктіліктен
сақтану тәсілдерін қолданбай, әрбір амалды өз күйінде қалдырған
абзал.
8) Мемлекеттің жүргiзiп отырған демографиялық саясатына
орай перзент көруден шектелу яки бедеу болу дұрыс емес. Әрбір
ата-ананың перзентті болуына өз хақылары бар. Бұл олардың
өздері ғана шешетін iстеріне жатады.
