Жыл басы Наурыз!

Әнші құстар сайратып

Наурыз тойын тойлатып,

Ұлыстың ұлы күні, келді ағайын.

Той құтты болсын!

-Сәлеметсізбе, құрметті ата-аналар,балалар, қонақтар! Бүгінгі Наурыз мейрамына арналған "Жыл басы - Наурыз" атты ертеңгілігімізге қош келдіңіздер.

Ортаға екі бала шығады.

Рысбек: Ассалаумағалейкум,

Ұлыс оң болсын

Ақ мол болсын!

Мақсат: Уағалейкумссалам

Ұлыс оң болсын

Пәле -жала жерге енсін!

Екі бала төс қағысып,аман-саулық сұрасады.

Келе жатыр жылымыз,

Мейрамдаймыз мұны біз

Халық сүйген мейрамды

Қарсы алайық Наурызды!

(Әжесі мен Наурыз қыз ортаға шығады.Әжесі шашу шашады) Диана мен Жанайым.

Береке, ырыс кірсін жерімізге

Қуанышпен шығарып сап «Маймылды»

Бақыт боп "Тауық" кірсін елімізге

Туа берсін, жаңа күн.

Дүр сілкінсін дала бір,

Құтты болсын жаңа жыл!

Бата беріп апамыз.

Тәтті болып жасалған,

Наурыз дәмін татамыз.

Күнім төкті нұрын.

Сайрап барлық құстар

Ән салуға құштар.

Көктем келді еркелеп.

Наурыз тойы жырымен.

Көңіл гүлдей жайнасын.

Жүргізуші: Айтыскер ақындарымызды ортаға шақырайық.

Ерасыл мен Фатима

Ерасыл: Ерасыл ұлың мен болам,

Әке шешем мақтаған.

Жарыс десе жайнаймын,

Намысымды қорғаймын.

Шешендік сөзбен көсілдім.

Таныстырсам өзімді,

Фатима менің есімім.

Қандай күшті бұрымың

Қасындағы қыздардың

Ішіндегі сұлу қыз

Білем өзім сұлумын.

Дайынсың ба мектепке,

Соны айтып білдіргің.

Жігіт деген атым бар.

Болашақта халқыма,

Призиден болу арманым.

Фатима: Әнде айта аламын.

Биде билей аламын,

Өзім бала болсамда,

Таудай үлкен талабым.

Еркелеге еркем - ай.

Бүгін болған мереке,

Болсын тағы ертең-ай.

Жер шуаққа бөленеді,

Соны тойлар, ел енді.

Райымбек: Наурыз той - салтымыз,

"Көгерсін" - деп халқымыз,

Көшеге тал, егеміз.

Томирис: Қар су болып жөнелді,

Қалды дала жалаңаш,

Күн нұрына кеңелді.

Малика: Көкке бояп өңірді,

Көктем келді көңілді.

Бау-бақшада, орманда,

Құстар әні төгілді.

Болады ғой Наурыз!

Гүлдер шықты жайнап.

Қазақ халқы қонақжай халық. Сондықтан қазақ халқының тойлары да көп болған. Өзіміздің салт-дәстүрімізге байланысты тойларды атап айтатын болсақ "Шілдехана", "Бесікке салу", "Тұсау кесу" т.с.с. тойларымыз көп екен. Ендеше ортамызға үлкен әжелеріміз бен сәбиізді шақырайық, "Тұсау кесу" рәсімін жасайды.

"Батаменен ел көгере, Жаңбырменен жер көгерер" демекші,

Сұрасаң бата берейін.

Үстем болсын мерейің,

Ықыласпен қол жайсаң

Ақ тілекті төгейін

Ұлыс оң болсын!

Ақ мол болсын

Қайда барсаң жол болсын!

Ұлыс бақты болсын,

Төрт түлік ақты болсын

Ұлыс береке берсін,

Бәле-жала жерге енсін

Ұлы халқым тоқ болсын,

Көйлектерің көк болсын.

Қуаныштарың көп болсын!