Көп қабатты эпителийлер 3ке бөлінеді: 1.Көп қабатты жазық мүйізденбейтін эпителий көздің мөлдір қабықшасын сыртынан қаптайды, ауыз қуысын және өңешті тыстайды.
Оның 3 қабатын ажыратады: базальды
Тікенекті(аралық)
Беткейлік
Базальды қабат базальды мембранада орналасқан бағаналы эпителиоциттерден тұрады.Олардың арасында митоз арқылы бөлінуге қабілетті камбиальды жасушалар бар.Эпителийдің жоғарғы қабатында орналасқан эпителиоциттердің алмасуы, дифференциялануға өткен, жаңадан пайда болған жасушалар арқылы жүреді.
Тікенекті қабат көп бұрышты жасушалардан тұрады. Базальды және тікенекті қабаттардың эпителиоциттерінде тонофибриллалар, ал эпителиоциттер арасында – десмосомалар және байланыстардың басқа түрлеріде жақсы дамыған.
Эпителийдің беткейлік қабаты жазық пішінді жасушалардан тұрады. Олар өзінің өмірлік циклын аяқтаған соң өледі және түлеп отырады.
