Байланысты: Математикалық ұғымдардың оқыту үдерісінде қолданылуы МАРЖАН
Ұғымдардың анықтамасы нақты пайым формасында өрнектелген болуы керек. Оқыту үрдісінде ғылыми ұғымдарға анықтама беру екі жолмен жүзеге асырылады: 1)нақтылы-индуктивті, 2)абстрактілі-дедуктивті. Бірінші жолда ұғымның анықтамасы бірден тұжырымдалмайды. Мұнда ұғым туралы алғашқы түсініктердің пайда болуын,термин еңгізу,символиканы түсіндіру (егер ұғымның символдық белгілеуі бар болса), елеулі қасиеттерін ажырату, анықтама құру, ұғымды қарапайым жағдайларда қолдану, соңында ұғымды пәннің өзінде және аттас пәндерде қолдану жүзеге асырылады. Екінші жол бойынша ұғымның анықтамасы алғашқы түсініктемелер жасалынбай, дайын түрде тұжырымдай отырып еңгізіледі. И. Ф. Тесленконың пікірінше, «Бұл екі жол да диалектикалық таным үрдісінің қажетті бөліктері болып табылады», сондықтан жаңа ұғымдарды еңгізуде бұл екі жолдың екеуіне де қатаң шек қоюға болмайды.
