Ламашәріп Қайрат Қайырбекұлы Алматы, 2010 جحلا كسانم
тақуалы мұсылмандар Зәмзәм суынан нәр алатындықтан, оны «барра» дейді, Зәмзәм
жүктеу/скачать 3,72 Mb. Pdf көрінісі
|
Қайрат Лама-Шариф Қажылық
|
тақуалы мұсылмандар Зәмзәм суынан нәр алатындықтан, оны «барра» дейді, Зәмзәм суы кәпірлерге сараң болатындықтан, оны «маднуна» дейді. Қадым заманда, яғни біздің эрамызға дейінгі 9 ғасыр бұрын Ибраһим пайғамбар ( ғ.с. ) қазіргі Палести- на жерінде өмір сүріпті. Оның Сара деген әйелі бола- ды. Сара құрсақ көтермейді. Ибраһим пайғамбар ( ғ.с. ) әйелінің бедеулігін уайымдап, бір балаға зар болады. Сара күйеуіне Һажар деген күтуші күң қызға үйлен деп ақыл айтқан екен. Ибраһим пайғамбар ( ғ.с. ) бәйбішесінің ұсынысын қабыл алып, Һажарды тоқалдыққа алған екен. Арада біраз уақыт өткесін Һажардың аяғы ауыр болып, толғағы жеткенде ұл тауыпты. Оның атын Исмайыл деп қойыпты. Ибраһим пайғамбар ( ғ.с. ) жалғыз ұлы Исмайыл- ды жанындай жақсы көріпті. Тоқалдан қызғанған Сара күйеуінен Һажар мен Исмайылды алыс мекенге көшіруді талап етіпті. Басында қарсылық білдірген 47 جحلا كسانم Ибраһим пайғамбар ( ғ.с. ) ең соңында айтқанынан қайтпайтын Сараның ырқына көнеді. Әрине, мұның барлығы – Алла тағаланың әмірі, маңдайға жазылған дүние екендігін білетін Ибраһим пайғамбар ( ғ.с. ) Һажар мен Исмайылды алып, алыс сапарға шығады. Олар үшеуі Әбу Қабис тауының бөктеріндегі шөлді аймаққа келіп, осы жерде Ибраһим пайғамбар ( ғ.с. ) баласы мен әйелін қалдырып, Палестинаға қайтады. «Я, Жаратқан Иеміз! Мен ұрпағымды ештеңе өспейтін аңғарға әкелдім, Сенің қасиетті үйіңнің жанына қоныстандырдым. Бұл жерде олар Саған құлшылық қылады, оларға азық болатын жеміс сыйла», – деп, сүбхана Алла тағалаға дұға айтады ( «Ибраһим» сүресінің 37-аяты ). Біраз күннен кейін Һажардың жолға алып шыққан азығы таусылып, торсықтағы суы да бітіп, емшектегі сүті де тартылады. Кішкентай сәби Исмайыл жылап, тамақ сұрайды. Аштық пен шөл қысқан баласын көрген Һажар жүгіріп су іздейді. Ол Сафа төбешігіне шығып, айналасына қараса, қарсы беттегі Мәруа төбешігінде ағып жатқан суды көреді. Сафа төбешігінен Мәруа төбешігіне жүгіріп бар- са, жаңағы көрініс сағым болып шығады. Сосын ол Мәруа төбешігінен айналаға көз жүгірткенде, Сафа төбешігінде су ағып жатқанын көреді. Ол Мәруадан түсіп, Сафа төбешігіне жүгіріп барса, ол да сағым бо- лып шығады. Сөйтіп, Һажар Сафа мен Мәруа жүктеу/скачать 3,72 Mb. Достарыңызбен бөлісу:
|