Күләнда. Іздемейміз бе, кешіккен соң?
Әлипа. Осы ауылдың балалары топтанып барып сайдағы әгөреттегі қауынға түсіпті. Сөйтсе біздің үйдегі кісі бір тобын ұстап алып, ептеп жөнге салып жатқан көрінеді. Санатбай да сонда екен.
Мұсатай(аяқ астынан ашу шақырып, дегбірсізденіп). Жөнге салғаны құрысын оның. Қатыгез бе, дойыр ма, немене өзі? «Ептеп» – деп жұқартқыңыз келеді сіздің, майып қалып жүрер ол балалардың біреуін. Бір қара көрінейін деген шығар өзіне. Жет демейсіңдер ме одан да ертерек ұшып. Жүр, Күләнда, кеттік.
