Лекция 0 cағат Практикалық сабақ 15 сағат ожсөж- 45 сағат CӨЖ 45 сағат Емтихан семестрде

Бүгінгі күнгі номенклатура бойынша фитопатогенді барлық бактерияларды жиынтық топтарғабіріктіреді. Олар кезегінде түршелерге (subsp.) немесе патотиптерге (pv.) бөлінеді. Түрше немесе патотип дегеніміз ортақ патогендік белгісі бар бактериялар популяциясы. Бактерияларды анықтау немесе идентификациялау олардың пішіні, мөлшері, талшықтарының орналасуы, капсуласының болуы, Грам бойынша боялуы және басқа да белгілер бойынша жүргізіледі.

1. 
   Грамтеріс аэробты таяқшалар – Pseudomonas, Xantomonas, Agrobacterium туыстары. Бұл бактериялар қозғалғыш. Pseudomonas бактерияларының бір немесе бірнеше қарама қарсы орналасқан талшықтары бар. Олар дақ және солу ауруын тудырады (мысалы, үрме бұршақтың бактериоз ауруының қоздырғышы Pseudomonas syringae pv. phaseolicola). Xanthomonas бактериясының бір полярлы талшығы болады (қырыққабаттың түтікше бактериозының қоздырғышы Xanthomonas campestris pv. Campestris). Agrobacterium туысының бактериялары перитрихалды 1-4 талшықтары болады. Бұл бактериялар өте қозғалғыш, топырақта тіршілік етеді, циста түзеді, өсімдік тамырларында ісік түзеді (қызылша тамыр жемісінің бактериалдық рак ауруының қоздырғышы A. tumefaciens).
   
2. 
   Грамтеріс факультативті аэробты таяқшаларға жататын Erwinia туысына жататын бактериялар. Олар некроз және дымқыл шірік ауруларын қоздырады. Олардың ішінде ең кең тарағаны – картоп түйнегінің дымқыл шірігінің қоздырғышы.
   
3. 
   Грамоң және қозғалмайтын тамырформды бактериялар. Олар Clavibacter туысына жатады. Бұл бактериялар өсімдіктердің солуын тудырады. Мысалы, картоптың сақиналы шірігінің қоздырғышы Clavibacter michiganense subsp. Sepedonicum.