Мақсаты: Биотехнологиялық өндірістегі микроорганизмдерді дақылдау әдістерімен студенттерді таныстырып, әр әдіске сипаттама беру
Қарастырылатын сүрақтар: Мерзімді дақылдау әдісі
Микробтардың өсу динамикасы
Үздіксіз дақылдау әдісі
Табиғи жағдайда микроорганизмдер тек аралас популяция түрінде кездеседі. Олардың ішінен қажетті бактериялардың таза дақылдарды әр түрлі әдіспен тікелей табиғи субстраттан (судан, топырақтан) немесе элективті және жиынтықты қоректік ортадан бөліп алады. Микроорганизмдердің дақылдарын (таза/аралас) сұйық ортада өсіру үшін екі негізгі әдісті қолданады: мерзімді (периодикалық) және үздіксіз.
Мерзімді тәсіл бойынша микроорганизмдердің популяциясы жабық жүйеде өседі, яғни оларды қоректік ортаға еккеннен кейін қорек қосылмайды. Мерзімді тәсілдің екі түрі бар: беттік өсіру (стационарлық тәсіл) және терең қабатты өсіру (динамикалық тәсіл). Беттік өсіру әдісіне микроорганизмдерді өсіру барысында қоректік ортаны араластырылмайды, яғни ол тыныштық жағдайда болады. Бұл тәсілде бактерия клеткалары, негізінен қоректік ортаның беткі қабатында өседі. Мерзімді өсіру процесінің сатылары: -орталар, биореакторлар және құрылғылардың стерилизациясы; -егілетін материалды енгізу; - культураның өсуі; - қажетті өнім синтезі; - дайын өнімді бөліп алу мен тазарту.
