| Тұрақты токтың электр өлшеуіш аспаптары жоғарыда қарастырған тұрақты токтың электрқозғалтқышына ұқсас жұмыс жасайды. Олардың айырмашылықтары мынаған саяды: электрқозғалтқышының роторлары үздіксіз айналуға арналған және оған қосылған сыртқы механизмдерді қозғалысқа келтіретін айналдырушы моментті туғызатын күшті магнит өрістерімен қамтамасыз етеді. Ал электр өлшеуіш аспаптары үшін мұндай қатаң талаптар қажет емес, өйткені оның айналдырушы күш моменті тек өз аспабының тілін шкала аймағында ғана бұруға есептелген.
Электр өлшеуіш аспаптарының көптеген жүйелері мен түрлері бар. Біз олардың магнитэлектрлік жүйе және электрмагниттік жүйе деп аталатын екі түрлі жүйелерін қарастырамыз. Бұл екі жүйеге жататын аспаптарды бір-бірінен шкалаларына қарап ажыратуға болады. Магнитэлектрлік жүйеге жататын аспаптардың шкалаларының бөліктері біркелкі (сурет 6.14, а), ал электрмагниттік аспаптарда (сурет 6.14, ә) әркелкі болып келеді.
Достарыңызбен бөлісу: |
