Лекция №8 "Көтермелеулер"

Көтермелеу – әскери қызметшіні тәрбиелеудің және әскери тәртіпті нығайтудың маңызды құралы болып табылатын оның қызметтік іс-қимылын оң бағалау

Көтермелеулер әскери қызмет міндеттерін адал және мұқият орындайтын және әскери борышын орындау кезінде ерекше көзге түскен әскери қызметшілерге қатысты қолданылады. Әрбір командир (бастық) өзіне осы Жарғымен берілген құқықтар шегінде жетістіктері, еңбекқорлығы, қызметтегі ерекшелігі және парасатты бастамашылығы үшін бағыныстыларды көтермелеуге міндетті.

• Командир (бастық) өзіне берілген құқықтар жеткіліксіз деп есептеген жағдайда, ол ерекше көзге түскен әскери қызметшілерді аға командирдің (бастықтың) билігімен көтермелеу туралы өтініш жасай алады. Әскери ерлігі және мемлекет алдындағы еңбегі үшін ерекше көзге түскен офицерлер Қазақстан Республикасы Президентінің Жарлығы немесе Қазақстан Республикасы Үкіметінің қаулысы негізінде атаулы қарумен наградталуы мүмкін.

Әскери борышын орындау кезінде көрсеткен батылдығы, ерлігі мен батырлығы, бағынысты бөлімшелерді, бөлімдерді, әскерлерді үлгілі басқарғаны және мемлекет алдындағы басқа да аса көрнекті еңбегі, жауынгерлік даярлықтағы жоғары көрсеткіштері, қару-жарақтың, әскери және басқа да техниканың жаңа үлгілерін үздік меңгергені үшін жеке батальон командирінің және одан жоғары лауазымды адамдарының өздеріне бағынысты әскери қызметшілерді Қазақстан Республикасының мемлекеттік наградаларымен наградтауға ұсыну туралы өтініш жасауға құқығы бар.

Мерзімді әскери қызмет әскери қызметшілеріне қолданылатын көтермелеулер.

Мерзімді әскери қызмет сарбаздарына, сержанттарына, әскери оқу орындарының курсанттарына, сондай-ақ әскери қызмет өткеру туралы келісімшарт жасасқан Кадет Корпусының оқушыларына мынадай көтермелеулер қолданылады:

• бұрын қолданылған жазаны алып тастау;

2) алғыс жариялау;

3) әскери бөлім орналасқан жерден кезектен тыс шығаруға рұқсат беруді қамтиды;

4) Отанына немесе бұрынғы жұмыс (оқу) орны бойынша әскери борышын үлгілі орындағаны туралы және алған көтермелеулері туралы хабарлауға міндетті;

5) грамотамен, бағалы сыйлықпен марапаттау;

6) әскери бөлімнің өрістетілген жауынгерлік Туынан алынған әскери қызметшінің жеке фотосуретімен марапаттау;

7) қатардағы жауынгерлерге (матростарға) "ефрейтор"әскери атағын беру;

8) сержанттарға атқарып отырған штаттық лауазымы бойынша көзделген әскери атақтан бір саты жоғары кезекті әскери атақ беру;

9) Қазақстан Республикасы Қарулы Күштерінің, басқа да әскерлері мен әскери құралымдарының омырауға тағатын айырым белгісімен марапаттау;

10) әскери бөлімнің Құрмет кітабына енгізу;

11) қысқа мерзімді демалыс беру - демалысты өткізу орнына бару және кері қайту жолын есептемегенде, 10 тәулікке дейін беріледі.

Командирлер (бастықтар) жеке әскери қызметшіге қатысты да, бөлімшенің, әскери бөлімнің барлық жеке құрамына қатысты да көтермелеулерді қолдана алады.

Көтермелеудің түрін айқындау кезінде әскери қызметшінің сіңірген еңбегінің немесе ерекшелігінің сипаты, сондай-ақ оның әскери қызметке бұрынғы көзқарасы назарға алынады.

Дәл сол айырмашылық үшін әскери қызметшіге бір ғана көтермелеу жариялануы мүмкін.

Келісімшарт бойынша әскери қызметшілерге қолданылатын көтермелеулер:

• Өздері бұрын қолданған жазаларын алып тастау
• Алғыс жариялау
• Грамотамен, бағалы (соның ішінде атаулы) сыйлықпен немесе ақшалай сыйлықақымен наградтау
• Қарулы Күштердің үздігі кеуде белгісімен наградтау
• Әскери бөлімнің құрмет кітабына енгізу.
• Кезекті әскери атағын мерзімінен бұрын беру
• Кезекті әскери атағын атқарып отырған штаттық лауазымы бойынша көзделген әскери атақтан бір сатыға жоғары беру

• Әскери оқу орындарында, осы Жарғының 42-тармағында аталған көтермелеулерден басқа, әскери оқу орнын алтын медальмен аяқтаған тыңдаушылардың тегін Құрмет тақтасына жазу, сондай-ақ көтермелеу ретінде әскери оқу орнын оқудағы ең үздік көрсеткіштермен аяқтаған 1,2,3 тыңдаушыларды айқындау қолданылады.

Семинар сабағының сұрақтары

1. Командирлердің көтермелеуді қолдану жөніндегі құқықтары.

2. Көтермелеулерді қолдану тәртібі

3. Ынталандыру: мәні мен мақсаты.

жүктеу/скачать 1,76 Mb.

Достарыңызбен бөлісу: