Басқарылатын жүйенің басты элементі – адамдар. Олар бүкіл жүйенің қозғаушы күші, шешім қабылдаушысы т.б. Бұлар тұтастай басқару аппаратын құрайды. Бұл жүйені ұйымдық-экономикалық деп атайды, ал олардың элементтері – ұйымдастыру нышандары мен ықпал ету тәсілдері болып саналады.
Өндіріс жұмысын қарайтын адамдар, бірлескен еңбек процесінде белгілі бір әлеуметтік қатынас орнатады да, өндірісті басқарудың әлеуметтік-экономикалық жақтарын сипаттайды. Барлық жүйелер: техникалық, технологиялық, ұйымдық-экономикалық және әлеуметтік жүйелер өзара байланысты және де жоғары да атап көрсетілгендей, бұлар біртұтас болғанда ғана кәсіпорын жүйе ретінде құрылады. Сонымен, кәсіпорын немесе өндірістік бірлестік өндірістің өндірістік процесі өтетін басқарылатын жүйелерден және басқару процесі өтетін басқарушы жүйелерден тұрады. Олар бір біріне байланысты және тәуелді. Басқарылатын жүйе неғұрлым көп болса, басқарушы жүйе де соғұрлым көп келеді. Алайда, бұл тура пропорционалды тәуелділік емес, өйткені басқаруға механикаландыру және ондағы жүйелердің ұйымдастыру дәрежесі ықпал етеді: басқарылатын жүйелердің ұйымдастыру дәңгеі неғұрлым жоғары болса, басқарушы жүйе де соғұрлым аз болып, басқару жүйесі барынша жақсы ұйымдастырылады, оның аумағы да соғұрлым аз болады.
