Ұйымдастыру – демек нендей бір құрылым құру. Ұйым өзінің жоспарын орындау, сол арқылы мақсатына жету үшін конструкциялауға қажетті көптеген элементтер болады.
Ұйымдық жобалау кезеңдері
Ұйым құрылымы жоғарыдан төмен қарай өңделуі керек
Ұйымның көлденеңінен, әрекеттің стратегияны жүзеге асыру бойынша маңызды бағыттарына сәйкес, ірі блоктарға бөлінуі. Сызықты және штабты бөлімшелердің әрекет түрлерін анықтау.
Түрлі қызметтер өкілеттерінің арақатынасының қалыптасуы. Жетекшілік топ шынжырын қалыптастырады, мамандануды тиімді қолдану үшін ары қарай ұсақ бөлімшелерге бұлінуін өндіреді.
Қызметтік міндеттерді тапсырмалар мен функциялардың жиынтығы және олардың нақты тұлғаларға орындалуын жүктеуі ретінде анықтау. Жетекшілік нақты тапсырмаларды жетілдіріп және олардың ойдағыдай орындалуына жауапты атқарушыларға бекітеді.
Ұйымда жұмысты адамдар істейтін болғандықтан ұйымдастырудың маңызды жағдайларының бірі – ұйым ішіндегі толып жатқан міндеттерді, соның ішінде басқару жұмысын кімдердің орындау керектігін анықтап алу. Басшы адамды нақты жұмыстарға бөледі, жекелеген адамдарға тапсырмалар мен биліктер немесе ұйым ресурстарын пайдалану правосы беріледі. Мұның өзі олардың өз міндеттерін тыянақтап орындауына деген жауапкершілік жүктейді.
Мотивация. Егер кімде кім ұйымдағы нақты жұмысын орындамаса, онда тіптен ойдағыдай жасалған жоспардың және ұйымның неғұрлым жетілдірілген құрылымның ешқандай мәні болмайды. Сондықтанда мотивацияның міндеті сол, ұйым мүшелері өздеріне бекітілген міндеттерді жоспарға сәйкес орындау.
