Білім деңгейі бойынша:
– оқушылардың терминдерді, сандардың қасиеттерін еске түсіру арқылы суреттеу; есептеу;
– график пен кестеден мәліметті алу;
– құралдарды қолдану;
– классификациялау, математикалық объектілерді тану қабілеттері бағаланады.
Қолдану деңгейі бойынша: – нәтижелі шешу тәсілін таңдау;
– математикалық ақпаратты көрсету;
– модельдеу;
– тізбек тапсырмаларды орындау;
– стандартты есептерді шешу қабілеттері бағаланады.
Ойлау деңгейі бойынша: – объектілердің арасындағы тәуелділікке анализ жасау;
– қорытындылау, әр түрлі шешу жолдарын синтездеу;
– дұрыс/бұрыс айтылғандарды дәлелдеу;
– стандартты емес есептерді шешу қабілеттері бағаланады.
Бұл зерттеулер қатысушы-елдерге оқушылардың білім жетістіктерінің нәтижелеріндегі қозғалысты, білім беру жүйесіндегі болып жатқан өзгерістерді бақылауға, жүргізілген реформалардың салдарын анықтауға мүмкіндік береді. 3-кестеде халықаралық бағалау зерттеулері ерекшеліктері көрсетілген.
3-кесте Халықаралық PISA, TIMSS және PIRLS бағалау зерттеулері ерекшеліктері
3. Оқушылардың пәндік сауаттылығын дамытудағы отандық және шетелдік тәжірибелер.
Білім беру саясаты білім беру саласындағы жалпыхалықтық мүддені білдіреді және сонымен қатар, әлемдік дамудың жалпы үрдісін ескере отыра оларды әлемдік қауымдастыққа ұсынады. Жаңа өркениеттік талаптар заңды түрде көптеген елдерді жаңа «білім беру дүмпуіне», білім жүйесінің терең реформалар толқынына әкелді. Бұл АҚШ, Ұлыбритания, Қытай, Шығыс Еуропа елдері, Оңтүстік-Шығыс Азия мен Оңтүстік Америка және т.б. елдерде өтуде. Шет елдерде өткізіліп жатқан білім реформалары қоғамның ағымдағы және алдағы қажеттіліктеріне, ресурстарды, соның ішінде білім беру жүйелерін тиімді пайдалануға бағытталған.
Әр елдің білім беру жүйесі бірегей, себебі түрлі елдердің білім беру жүйесі қандай да бір дәрежеде түрлі мақсатты көздейді, сонымен қатар, оларға қайталанбас сипат беретін, қалыптасуы мен дамуының өзіндік тарихы бар.
