Мамасерікова Ш. · М
жүктеу/скачать 1,6 Mb.
|
| ОРЫНБАСАР
Көнліңнің күншуағын Көпке арнап тыншымадың. Кеудене жақтың ба екен, Мейірімнің мың шырағын. Ұмытпай борышыңды, Атажұрт-қонысынды. Жоқ-жітік, кемтарларға Бересің қол ұшынды. Ел білер қадірінді, Жастарға жаның үлгі. Келесің айналаңа Түсіріп жарығыңды. Ерекше келбет-тұлғаң, Жігітсің ел деп туған. Отанды көркейтуге Жас шақтан белді буған. Малшынып күміс терге, Айналып жұмыскерге. Гүлдеттің туған жерді, Көш бастап игі істерге. Достықтың қуатын шын Өзіндей ұғатын кім. Сен келсең ұшып кетер, Кеудемнен сұрапыл мұң. Арманның өріне асар, Бақыттың төрін жасар. Әкеге керек екен, Сендей ұл, Орынбасар!.. КЕЛ ЖАҢА ЖЫЛ – НАУРЫЗЫМ! Қара бұлттай қаптаған Қайғы - мұңнан арылта. Босағадан аттаған Жаңа жылым, жарылқа! Айналайын ашық күн, Шуағыңды үйіп-төк. Қазақ деген халықтың Мәртебесін биіктет. Ақша қардай көңілін Әппақ еткін, пәк еткін. Алла берген өмірін Арайлы еткін, шат еткін. Рухы биік жандардың Жұлдыздарын жандыршы. Жамандықтың барлығын Ескі жылда қалдыршы. Бабам өскен өлкенің Бау-бақшасын миуалы ет. Бұлғақтаған өркенін Бауырмал ет, ибалы ет. Асау ғасыр жылындай Кел, Жаңа Жыл, төрлеткін. Алатаудың шыңындай Елімді алға өрлеткін!.. *** Күміс қазық қақтырған, Жібек желі тарттырған. Уығы алтын үй тігіп, Салтанатынды арттырған. Омырауы түймелі, Барша жанға сүймелі, Табаныңда жұмақ бар, Анаға бас игелі, Келші күткен, Жаңа Жыл! Келші күткен, Жаңа Жыл, Ашыққандар тойынсын, Қатыгездік жойылсын, Күллі қазақ қауымы, Шариғатқа бой ұрсын. Төрлет, төрлет, Жаңа Жыл, Жаңа ғасыр - жаңа жыр, Сенің аппақ қарындай Көбейсінші жанашыр!.. *** Дос керек қол алысып, төс қағысар, Ізгі ойды мөлдіретіп өрге ағызар. Қорғайтын адал антын жан-тәнімен, Қызғаншақ іші тардан ірге бұзар. Дос керек жеңісіңе қуанатын, Айтқызбай ішкі ойыңды ұға алатын. Кесірлік, кесапаттың зардабынан, Тазартып сарайыңды жуа алатын. Дос керек жақсылығын сатпайтұғын, Бірліктің бау-бақшасын баптайтұғын. Дұшпанға сын сағатта жығып бермей, Сертінде тұрып, сенім ақтайтұғын. Дос керек жақын тұтар бауырдан да, Қасыңнан табылатын ауырғанда. Нарлығын танытатын нұрын шашып, Нарықтан арқалары жауыр жанға. Дос керек сүрінгенде сүйейтұғын, Ыстық пен суығыңа күйетұғын. Тырнағы қатты батса тіршіліктің, Тауды да алдыңа әкеп иетұғын. Жұмсайтын туған жерге сарқып күшін, Жанкияр дос таба алсаң халқың үшін. Қаймана қазағымның қамын жейтін, Қонды де босағаңа бақыт құсын!.. ***
Дос едік біз үзеңгі қағыстырған. Аққудай ажырамас айдыныңан, Тәңірге тәуба деуші ек табыстырған. Теңіздің толқыныңдай жарасатын, Тату ек жұрт қызыға қарасатын. Шаттансаң шашбауыңды мен көтеріп, Мұңайсам сен қосыла аласардың. Қайтейін қатал тағдыр ажыратты, Қамшылап қасірет, мұң қалжыратты. Ақ тамақ қарлығаштай қатар ұшқан, Жастық шақ сағындырып сан жылатты. Күтпесе көгере ме дүмбіл дарын, Қарғалар түсінер ме бұлбұл зарын. Өзіндей адал досты таба алмадым, Арманның асқақтатар шың-құздарын. Ұршығы уақыттың зырылдайды, Артына ешқашан бір бұрылмайды. Аңсаған алабұртып сорлы жүрек, Аһ ұрып бозторғайдай шырылдайды. Жұтаған жайлауыма шуақ тауып, Жолықсаң қалар едім қуаттанып. Аяулы асыл досым, қайдасың сен, Айтатын таң атқанша сыр ақтарып... ***
Байқамай қалдық өткенін. Ақ көңіл адал досыма Айтатын сырым көп менің. Жарасым тауып жанымыз, Арайлап атсын таңымыз. Татулық туын көтеріп, Шырқалсын шаттық әніміз. Айдынның қоңыр қазындай, Жұбымыз жүрсін жазылмай. Жүректің кілтін табатын Сезімнің сұлу сазындай. Өзіңмен өмір тәттірек, Сапарым болар сәттірек. Сондықтан саған, досым-ау, Жүремін ылғи бақ тілеп! ИМАН Сезсең де жұртқа жаярын, Өлеңнен жоқ қой аярың. Білмейсің бірақ жалғаннан, Табаның қашан таярын. Шүкір деп таңың атқанға, Қуанба күнің батқанға. Белгісіз, жұмбақ сұм ажал Түсірер түбі қақпанға. Тырнақтап жүріп жиғаның, Артында қалар үй, малың. Ұмытпа екі жалғанда Жолдасың жалғыз - иманың. Ата-анаң сені өсірді, Қатеңді қанша кешірді. Әруағы жатсын бір аунап, Жарылқа жетім, жесірді. Жайқалған жасыл құрақтай, Көл-көсір мөлдір бұлақтай. Көмегің тисін халқыңа, Кешқұрым жаққан шырақтай. Ізгінің құтты киесі - Иманды болар иесі. Жақсылық жасағандарға Жаманның жұқпас күйесі... Каталог: admin -> files files -> Ббк 83. 3 (5 Қаз) Қ 25 Қ25 Қалдыбаев Ә. Көңіл көмбесі files -> Баймаханбет ахмет аяулы соқПАҚ Тараз, 2008 жыл. Менің президентім files -> Аула драмалық шығармалар әрқилы ойлар атланта жоқ, америка сапары files -> Тақталас. Пьесалар, бірқақпайлар. Тараз, «Сенім» баспасы, 2006-256 бет files -> Шағын хикаяттар, әңгімелер, ертегілер, мысалдар files -> Баймаханбет ахмет жас шынар, ТӘкаппар шынар тараз – 2013 жыл files -> Арғынбай бекбосын фәнилік драма (2500 рубаят) files -> Тұрсынхан Жақыпқызы (Сембаевна) Бердалина Өлеңдер мен әңгімелер files -> Елен Әлімжан бауыржанның пырағЫ files -> Үміт битенова көҢіл күнделігі жүктеу/скачать 1,6 Mb. Достарыңызбен бөлісу:
|