ЖАС ӘКІМ САПАРҒАЛИҒА
Атқа қонып, алсаң елдің тізгінін,
Айдан анық көрерің сан сүзгінің.
Адал жүріп, тәуір жұмыс атқарған,
Білгің, қалқам, бағы жанар ізгінің.
Табылады арыз құмар, сөз құмар,
Талайы кеп жүйкеңді әлі тоздырар.
Білімділер төрге шығар қашан да,
Бәсекеде рухани күш оздырар.
Сақ адамдар үстем болар,
Босама!
Дұшпан көздер аңдып тұрар тасада.
Іргең мықты, жарық болсын айналаң,
Ұқыпсыздың ісі алға баса ма?!
Қырықтасың - қамал бұзар шақтасың,
Тіл мен көзден Алла жар боп сақтасын.
Асқаровтай алғыр жігіт екен деп,
Сапарғали,
Сені де жұрт мақтасын.
Тағынып ап бес қаруын, жарағын,
Түрініп ап етек-жеңін, балағын.
Туған жерді көркейтуге келіпсің,
Талабыңа нұр жаусыншы, қарағым!
Достарыңызбен бөлісу: |
