Қандыағаштар (Alnus) туысы Еуропада, Азияда, Солтүстік Африкада
және Америкада өсетін 35-ке жуық ағаштар мен бұталар бар. Ресей
Федерациясы мен Қазақстанда қандыағаштың 9 түрі мен қандыағаштықтың
6 түрі табиғи өседі. Қандыағаш түрлерінің өсінді бүршіктері кезектесіп
келеді, кері жұмыртқа пішіндес, сағақты. Ұрықтық аталық және аналық
гүлдері бүршіктік қауыздары жоқ бүршіктерінде, жалаңаш ұсақ сырғагүл
түрінде қыстайды. Аналық гүлдері (екеуден) гүл серігі қауызының
астындағы сырғагүлде орналасқан. Жемістері көмескіленген қанаттарымен,
сыртынан ұсақ бүрге ұқсас жеміс шоғырында қалыптасады.
