«Математика, информатика және физика пәндері» онкүндігінің қорытынды есебі

ӘБ жетекшісі:

Мырзахметова Айгерим Койшыбековна

2016-2017 оқу жылы

Бүгінгі ғылым мен техниканың қарқынды дамып, еліміздің экономикасы өсіп, үкімет үдемелі индустрияландырудың керемет жобаларын жүзеге асырып отырған кезеңде оқушылардың математика мен физика пәндерінен біліміне, компьютерлік сауаттылық деңгейіне қойылатын талап та жоғары. Болашақта білімді ұрпақ керек, ал білім кілті – барлық нақты ғылымдардың негізін меңгеруде . Себебі математикалық білімі мықты,компьютерлік сауаттылығы жоғары әрі ойлау қабілеті дамыған бала ғана ғылым мен техника тілін табысты меңгере алады. Әр баланың жеке бір ғылымға деген қабілетін ескере отырып оқыту, оны дамытудың барлық мәселелерін шешетін дайын әрі керемет әдістеме болуы мүмкін емес. Оқушылардың бойында білімге деген қажеттілікті сезіну, білім алу үшін өз бетінше іздену, жаңашылдыққа ұмтылу қасиеттерін тәрбиелеу- сабақта ғана емес, сыныптан тыс жұмыстарда да жүзеге асырылуы керек.

Осындай жұмыстың бір бағыты- пәндік онкүндік болып саналады. Қараша айының 28-нен 7 желтоқсан аралығында мектепте математика, информатика және физика пәндер онкүндігі өткізілді. Онкүндіктің жоспары әдістемелік бірлестігінің отырысында қаралып талданды және бекітілді.

Онкүндіктің есік ашары – бірінші қабатта орналасқан бұрыш болып табылды. Стендті онкүндіктікте жоспарланған іс-шаралар кестесі, математика, физика, информатика туралы нақыл сөздер, түрлі логикалық тапсырмалар мен есептер, ребустар, сөзжұмбақтармен безендірілді.