«математикалық олимпиада және логика» пәні бағдарламасының құрылымы
Бұл бағдарлама «Сабақтан тысқары бейіндік оқытулар арқылы оқушылардың математикалық дарынын жетілдіру» бағдарламасының құрамдас бөлігі ретінде алынып отырғандықтан аталмыш бағдарламаға қойылған талаптарды толығымен қамтамасыз етеді.
Оқу мазмұны – нені үйретіп, неше есеп шығару емес, қай есепті қандай тәсілмен шығаруды үйрену, немесе оқушы ізденіс жасау арқылы игеруге болатын – «тірек ақпарлар» мен «тиімді тәсілдер» жиынтығы.
Оқыту әдістемесі - мұғалім қалай үйрету емес, мұғалімнің көмегімен оқушы мазмұнды қандай ретпен, қалай игеру, оқу құралын қалай, қайтып пайдалану, мұғалім тарапынан оқушыны жан жақты қалай дамыту, оқытудың нәтижесін немен, қалай бағалау әдіс тәсілдерінің жиынтығы.
Бағдарлама осы құрылымдарды толық қамтыған жағдайда жасалып отыр.
Төменде келтірілген тақырыптық жоспардан бағдарлама мазмұны есеп шешуге, логикалық қортындылар жасауға қолданылатын негізгі әдіс тәсілдер бойынша топталып алынып, жоғарыда аталған оқушыларға есеп шығартуды мақсат ету емес, есеп шығарудың, шығармашылық ізденіс жасаудың жолдарын, тиімді әдіс тәсілін үйрету талабын қамтамасыз етуге қолайлы болатындай етіп іріктелгендігін аңғаруға болады.
Достарыңызбен бөлісу: |
