Мазмұны кіріспе I. ӘДебиеттерге шолу 1 Мүмкіндіктері шектеулі адамдар және олардың сипаттамасы Мүмкіндіктері шектеулі адамдардың мәселелерін шешуші аспектілер
жүктеу/скачать 372,53 Kb. Pdf көрінісі
|
stud.kz-98243
| ҚОРЫТЫНДЫ
Еліміздегі халықты әлеуметтік жағынан қорғау мекемелерінде 388700 мүгедек есепте тұр екен, олардың 49100-і — 16 жасқа дейінгі мүгедек - балалар. Жарымжан адамдарға дәрігерлік - әлеуметтік көмек беретін 73 интернат үйі бар, онда 16500 жалғызбасты қарт мен еңбекке қабілетсіз азаматтар және 2800 мүгедек - бала өмір сүреді. 3160 бала үйінде отырып, өз беттерінше білім алады. Бұл мәліметтерді Пекин қаласында БҰҰ - ның мүгедектер құқығы жөнінде ұйымдастырған семинарына қатысқан Еңбек және халықты әлеуметтік қорғау министрлігінің Халықаралық байланыстар бөлімінің бастығы Б.Төлегенова өз баяндамасында келтірген. Оның мәліметтеріне қарағанда, елімізде жалғызбасты қарттар мен еңбекке жарамсыз азаматтарға әлеуметтік қолдау көрсететін 327 мекеме бар көрінеді. Бұл мекемелер 32700 адамға әлеуметтік қызмет көрсетеді. Мүгедектер мен ардагерлерге жыл сайын республикалық бюджеттен арнайы бөлініп отырады. Елімізде оларға емдеу - сауықтыру қызметін "Ардагер» пансионаты, Павлодар облысындағы „Мойылды” санаторийі, Батыс Қазақстан облысындағы „Ақжайық” демалыс үйі және Бурабай демалыс аймағындағы "Жеке Батыр» демалыс орны көрсетеді. Қазір елімізде Үкіметтің арнайы қаулысымен "2002 - 2005 жылдарға арналған мүтедектерді жан - жақты қамқорлыққа алу бағдарламасы» жұмыс істеп жатыр. Мемлекет тарапынан жасалып жатқан түрлі қолдауларға қарамастан, мүгедектердің жағдайы ауырлау. Өйткені, елімізде мүгедектердің еңбегін пайдаланатын көптеген кәсіпорындар жабылып қалды. Оларды жұмыспен қамту тым қиынға соғып отыр. Нәтижесінде, олардың қоғам сұраныстарын өтей алмайтын, қауқарсыз топқа айналғаны шындық. Мәселен, соқырлар қоғамының мүшелерін жұмыспен қамтып отырған 30 кәсіпорын жабылса, саңыраулар қоғамына тиесілі 16 кәсіпорынның жұмысы тоқтап қалған. XX ғасыр көрсеткендей, кез - келген мемлекеттің ішкі саясатының негізгі бағыттарының бірі халықты әлеуметтік қорғау жүйесі болып табылады. Халықты әлеуметтік қорғау жүйесі шешілетін мәселенің үйлесімділігі мен бірдейлігіне қарамастан, олардың ұйымдастырылу әдістері мен дамуының тарихы әр елде, әртүрлі қалыптасқан. Мұндай айырмашылықтар әсіресе, Европа мен Американдық елдерде байқалады. Европаның басым елдерінде халықты әлеуметтік қорғау жүйесінің американдықтарға қарағанда, әлеуметтік саясаттың жүргізілетін бағытын анықтау, жоспарлау, қаржыландыру мемлекеттің жоғарғы деңгейде қатысатындығымен сипатталады. Халықты әлеуметтік қорғаудың европалық моделі соғыстан кейін, күні бүгінге дейін «берекелі мемлекет» концепциясына негізделеді. Оның негізінде адамның «табиғи құқықтары, концепциясы жатыр. Ал, халыққа әлеуметтік көмек беруде американдық жүйесінде бірінші орында мемлекеттің көмегінде болу және соған арқа сүйеуді дамыту есебімен емес, керісінше өзін - өзі қамсыздандыруға, жеке табысқа қол жеткізуіне бағытталған. Халыққа әлеуметтік қызмет көрсету - тұлғаның, мемлекеттің, қоғамның моральдік және материалдық жағдайының өлшеушісі. Әлеуметтік жұмыстың негізгі объектілері, яғни мемлекет тұрғындарының ішінде әлеуметтік қорғауды қажет ететін топтар мыналар ; - зейнеткерлер; - соғыс ардагерлері; - мүгедек адамдар; - жалғыз басты қарттар; - жетім балалар; - көп балалы отбасылар; - оқушы жастар, т.б. Осы аталған топтарға өзіндік ерекшілігі бар жеке - жеке жасалған әлеуметтік бағдарламалар жүйелері және олардың ауқымдылық деңгейінен көптеген мағлұматтар алдық. Әлеуметтік көмекті қажет ететін топтарға әлеуметтік көмектің қандай түрлері бар екендігін және оның даму тарихы мен атқаратын қызметтер түрлерімен танысып шықтық. Енді сөз соңында Қазақстандық Әлеуметтік жұмыстың қазіргі жағдайына қысқаша тоқталып өтейік. Қазіргі кезде елімізде осы соңғы он жыл ішінде әртүлі әлеуметтік қайырымдылық қорлары ашылуда. Олардың іс - әрекеттерінің негізгі бағыттары бойынша, мүгедектерді қорғау, балаларды қорғау, жалғызбасты қарттарды қорғау және зейнеткерлер мен ардагерлерді қорғау т.б. да қайырымдылық ұйымдары жұмыс істеуде. Елімізге жаңа келіп жатқан әлеуметтік жұмыстың Қазақстандағы болашақ көрінісі өркениетті мемлекеттердің жағдайындағыдай болады деп үміт артамыз. Бағдарламаны іске асыру: мүгедектерді оңалтудың бірыңғай жүйесін құруға және мүгедектерді әлеуметтік қамсыздандыру деңгейін арттыруға; мүгедектіктің алдын алу мен мүгедектік деңгейін төмендетуге; мүгедектікке әкеп соқтыратын туа біткен және тұқым қуалайтын ауруы, даму кемісітігі бар балалардың туу қатерінің дәрежесін азайтуға; медициналық-әлеуметтік сараптаманың сапасын арттыруға; оңалту ұйымдарының жұмысына қазіргі заманғы техникалық, ұйымдық, медициналық, әлеуметтік және кәсіптік технологияларды енгізуге; мүгедектерге көрсетілген медициналық, әлеуметтік, білім беру және өзге де оңалту қызметтерінің тізбесін кеңейтуге және олардың сапасын арттыруға; мүгедектердің әлеуметтік инфрақұрылым объектілеріне және ақпараттық ортаға қол жеткізуін жақсартуға; жұмыс орындарына квота белгілеу және әлеуметтік жұмыс орындарын құру есебінен мүгедектердің лайықты еңбекке қол жеткізуін ұлғайтуға; мүгедектердің орталақтандырылған дерекқорын құруды және медициналық- әлеуметтік сараптама мен мүгедектерді оңалту мекемелерінің, протездік-ортопедиялық орталықтардың қызметін ақпараттандыруға; медициналық-әлеуметтік және мүгедектерді медициналық оңалту саласындағы мамандардың кәсіптік деңгейін арттыруға ықпал ететін болады. |