Ауыспалы егіс танаптарын жобалау

Ауыспалы егістік бірнеше танаптан тұрады. Көп жерлерде ауыспалы егіс танабының түрі тік төртбұрышты болады. Жер бедерінің ерекшелігіне сәйкес, кейбір учаскелерде бұл ереже сақталмауы да мүмкін. Танаптың ұзындығы енінен 1,5-2,0 есе артық болғаны жөн. Бұл топырақ өңдеу және суару жұмыстарына қолайлы.

Шаруашылық жағдайында суармалау желісіне шаруашылық каналы, ауыспалы егіске су жеткізетін каналдар, ауыспалы егіс каналы және танап каналдары кіреді.

Шаруашылық канал – шаруашылық суару жүйесіндегі ең ірі канал. Ол канал алқаптың биік жерлерінен өтеді. Шаруашылық каналы суды ауыспалы егіс каналына жеткізеді, ауыспалы егіс каналы суды танап каналдарына таратады.

Суармалы желідегі гидротехникалық құрылымдар каналдағы судың мөлшерін реттеу үшін мүмкіндігінше автоматтандырылған қондырғылармен жабдықталады. Суармалы алқаптағы ыза су деңгейін бақылау үшін ұңғымалар орнатылады.

Орман жолақтары желдің жылдамдығын, топырақ бетінен судың булануын азайтады, қыс мезгілінде қарды тоқтатуға жағдай жасайды, аумақтың гидрологиялық режимін жақсартады. (1-сурет)